第一日開咪的利嘉兒着住海綿寶寶黃色戰衣同鄭啟泰返工,節目做足 2粒鐘都冇食過一粒螺絲,久休復出狀態唔錯!

Ads by Google

真面目
忽然復出 抑鬱 4年復出開咪 利嘉兒:諗過自殺
利嘉兒自從 08年同港台前副台長周國豐離婚後,慢慢退出幕前,直至早前為 DBC數碼電台記招現身撐場,又自爆曾被大台男高層迫去飯局,大家先記得呢位「普通話專家」。
出山開咪做主持,現年 39歲的利嘉兒原來 4年前已再婚,老公更係從事製造業生意的有米商人。事業愛情再起步,但利嘉兒亦曾試過患上情緒病,失控狂喊狂笑,又內分泌失調,嚴重時更諗過自殺!好在近年已經康復,仲做埋闊太,咩抑鬱都冇晒啦!


記者向利嘉兒遞上本刊之前拍得其老公的照片,嘉兒大方承認,但就唔肯多講老公背景。

冇笑談普通話 7年的利嘉兒,本週一( 10日)開始為 DBC數碼電台記開咪,同鄭啟泰主持新節目《告士打道 3號》,主打娛樂潮流話題,一星期做足 5日。
輕度抑鬱又喊又笑
復出頭炮唔衰得,利嘉兒早前在記招就率先玩自爆為節目造勢,「嗰陣有高層叫我去飯局,推咗幾次唔去就突然冇晒嘢做,經理人話個高層講明唔用我!聽聞呢個人搞嘅飯局有女同事出事,搞到差唔多要報警!」
被人玩謝,利嘉兒一度情緒出現問題,本週一,她接受本刊訪問說︰「嗰陣做緊《笑談普通話》,我發現我嘅情緒好唔穩定,試過做緊訪問突然又喊又笑,嚇到個記者都呆咗,同埋嗰段時間狂爆瘡,情況維持咗兩年左右,覺得唔對路睇醫生,原來因為壓力太大令內分泌失調同輕度抑鬱,有時仲會閃過想自殘同自殺,好在冇付諸行動!」

有米老公曝光

前年李彩華受浸,利嘉兒帶埋老公出席,不過佢相當低調,大合照時特登避席唔影。

利嘉兒 05年同周國豐結婚,不過 3年就玩完。
「老公生意都幾大!」

當年利嘉兒晚晚教觀眾講普通話而爆紅,新節目亦有一個環節繼續教刨冬瓜!

經歷過事業低潮同抑鬱症,利嘉兒 05年同港台前副台長周國豐高調結婚,當時因老公關係請到黎明、劉德華等巨星到場,可惜 08年離婚收場,婚姻 3年玩完。
好在利嘉兒 4年前搵到第二春再婚,老公比前度周國豐更巴閉,「我同佢識咗十幾年, 4年前結婚,佢係製造業,生意都幾大!」後來再在節目中自爆同老公的婚禮細節,「我哋係喺日本結婚,請咗 60個親朋戚友出席,佢哋淨係需要俾個 passport no.,我哋就幫佢出埋機票訂埋嘢。婚禮當日我同老公扮成兩個日本明星出場,佢仲特登買咗個金色假髮同白西裝添!」老公有錢又浪漫,又真係幾值得曬命嘅!
爆 TVB前男高層迫去飯局

DBC電台開記招,利嘉兒同梁思浩等主持都有現身撐場,利嘉兒仲當場爆料,夠晒宣傳啦!

利嘉兒早前自爆被迫去飯局,誤傳該大台男高層係已經轉去 now Tv做製作部經理的何麗全。利嘉兒週一( 10日)否認當年受何麗全迫害及雪藏,但就唔肯開名揭曉謎底:「唔係你哋識嘅人嚟㗎!我知網上好多巴打絲打估緊係邊個,但我可以好老實講,唔係你哋估或者識嘅名字!」
回晒春喎!
今年 39歲的利嘉兒,冇做幕前一排依然 keep得到,而且近睇比早年更加精神飽滿!除了由瓜子下巴變咗蝦餃下巴,鼻頭亦明顯較以前有肉,加上蘋果肌相當搶眼,真係回晒春喎!

'14

'98

採訪、撰文、攝影:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()