河國榮開舖嘅成本大約萬幾蚊,連 display櫃都係自己整,非常慳。

Ads by Google

媽咪姐
「外國勢力」發圍 河國榮擺檔變開舖
呢排成日聽 689同啲建制派話「雨傘運動」有外國勢力介入,真係笑死媽咪姐!佢哋無真憑實據,求其搵啲膠理由,唔該就學吓真係愛香港嘅「外國勢力」河國榮啦。人哋真正植根香港,努力學廣東話拍劇,後來無續約大台,就同老婆一齊擺檔賣首飾,腳踏實地。


咁努力係有回報嘅!最近兩公婆終於開舖嘞。雖然係同 9位設計師喺九龍城廣場合開一間舖,但總算有個落腳點,客人想買嘢都方便啲嘛!河國榮話:「我主要負責勞力嘅工作,好似太太唔滿意個 display櫃,我就再整過。」而河太除咗設計首飾,遲啲仲會搞吓興趣班,「佢(指老公)都有學,整啲簡單嘢。」不過講到單獨開舖,河國榮就話:「無諗過,租金太貴嘞!」
呢位「外國勢力」仲好勇敢,喺微博留言撐學生,話香港嘅領導人無為普通人民着想,搞到民不聊生。呢啲,咪人話囉!

微博論港情
河國榮早前喺微博留言,話敬佩爭取民主嘅學生,引嚟網民留言問佢依家對香港失唔失望?佢回應話係香港領導人令佢失望,搞到乜都貴,生活艱難!


河國榮化身技工搞 display,太太就全力做設計工作。「我哋成日都會喺度睇舖,希望帶旺個場」。

河太設計嘅首飾,賣幾百至千幾蚊不等,全人手製造,唔貴啦。
藝人女友多諗頭
除咗河國榮幫太太手搞首飾生意,其實圈中不少男藝人嘅另一半都做生意,可以靠男友嘅知名度開拓市場,又可以做男友嘅經濟後盾,雙贏呀!

吳國敬女友美甲
吳國敬女友 Elaine喺天后開美甲店,幾年前仲有意喺尖沙嘴開分店,兩個人一齊睇舖,可惜最終睇唔啱。

黃德斌女友賣衫
黃德斌同女友黃美恩( Joyce)拍拖 13年, Joyce幾年前喺尖沙嘴利時商場開時裝店,鍾舒漫同佘詩曼都係捧場客!

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()