黃秋生拍咗阿 Sa兩次,唔知想講乜,但阿 Sa一啲反應都冇。

Ads by Google

媽咪姐
阿 Sa忽冷忽熱 黃秋生冇癮
慣性戴「頭盔」嘅黃秋生,呢排為佔中單嘢,少咗好多牢騷、多咗朋友(反完面又好番嘅杜汶澤),都係好事嚟嘅。但平時襟撈到爆嘅阿 Sa蔡卓妍,周一( 3日)晚同秋生宣傳新片嗰陣,唔知發乜神經,兩度無視秋生嗌佢,搞到不嬲好火嘅秋生好冇癮。

直到活動完做訪問,阿 Sa主動幫秋生攞咪,秋生先至有番啲笑容,講講吓仲好勞氣咁對住阿 Sa呻俾人屈佢講「蝗蟲論」。睇阿 Sa個樣,媽咪姐終於明白點解佢之前咁大膽唔應秋生,俾人捉住聽古仔,又係悶啲嘅!

阿 Sa喺餐廳好專心食緊飯,黃秋生喺出面想同佢打招呼。嘩,黃生,你企人後面一定見到㗎?

黃秋生為咗單「蝗蟲論」好多嘢呻,連電話都拎埋出嚟俾大家睇,阿 Sa只好幫手拎咪。

冇上微博之後,黃秋生轉用 facebook發聲,佢話要通緝誹謗佢嘅人。咁影響佢搵銀,係躁啲嘅。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()