容爸呢十幾年做過唔少行業,做車行期間,接受過幾次訪問,但每次都話冇使祖兒錢。

Ads by Google

媽咪姐
容爸唔認靠祖兒 容媽繼續慳
容祖兒有名圈中小富婆,仲有幾層樓喺手,但佢爸爸最近俾人貼街招追數。雖然無開名,但係人都知街招講緊祖兒。因為咁,經理人 Mani就幫口,話祖兒已盡女兒責任,以後老竇喺出面發生乜事,都同祖兒冇關。而平時好 nice嘅容媽,就低調避傳媒,去跑馬地平民超市買餸都戴晒口罩,一如以往自備膠袋慳錢。

容爸聽到祖兒果斷同佢割席,話要澄清自己咁多年嚟,從冇使過祖兒錢,俾人追債已努力 settle緊。媽咪姐都知容爸咁多年嚟搞過唔少生意,同朋友開過車行、喺東莞賣衫同深圳搞夜場。但多年嚟又好幾次俾人追數,周轉有問題。媽咪姐之前同容爸傾過,佢話:「以前好多嘢唔識珍惜,祖兒一蚊都冇俾過,我有手有腳,自己搞得掂喇!」查實容爸談吐爽朗率直,又風趣幽默,同祖兒嘅個性一樣。雖然話無仇不成父子,但都係嗰句,家和萬事興,和氣生財嘛!

老竇嘅一切同我無關!(設計對白)

日前容父俾人追債,貼街招貼到去祖兒老闆楊受成旗下「駿景酒店」門口,睇嚟想逼祖兒代父還債。

容媽揀蔬菜認真,連去超市都環保過人,睇佢攞 CHANEL紙袋當手袋,堅型!

容媽真係好慳家,膠袋都係自己準備,就算祖兒嘅收入俾晒佢打理,買嘢都係計過數,應使則使。

祖兒同容媽感情有幾好,睇佢喺微博嘅相標明「 No.1 Mom」,唔使多講啦!
容爸一樣慳
早喺十年前,容爸曾經做番老本行,買衫返東莞賣。由香港拎住幾袋貨,坐車轉船再坐電單車返舖頭,慳錢程度不下容媽。

容爸同父母、外婆、細妹同外甥一家六口住喺葵興邨。喺 07年佢話申請緊第二任太太同出世冇耐嘅細仔由大陸嚟香港,但有傳呢段婚姻又有問題,依家係咪同細仔住就唔知喇!

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()