因為呢張喺巴黎 LV時裝 show嘅合照,就傳出柴崎幸同中田英壽撻着。

Ads by Google

出外埠
柴崎幸中田英壽傳婚訊
媽咪姐睇到呢個消息,都 shock一下㗎。事關柴崎幸一向緋聞多多,最近先傳佢搭上 51歲嘅作家中川雅也,仲俾人見到兩人喺街頭咀嘴咁話。誰不知「嗖」一聲,又傳佢同日本前國腳中田英壽撻着,仲話要結婚喎﹗真係講到似層層。


話說之前都冇聽聞柴崎幸同中田英壽有咩交集,何解突然會有呢啲消息呢?原來今年 3月時,兩個喺巴黎 LV時裝 show相遇,一撻即着,返到日本後,即發展成情侶關係,日前有人喺京都嵐山見到佢哋。有電視台中人放風話佢哋好快結婚㖭!但亦有人話因為柴崎幸將頂替松嶋菜菜子出演《家政婦三田》,有人幫佢造勢做宣傳喎。消息係真係假,媽咪姐唔敢拗,惟有同大家講呢四個字:拭目以待﹗

柴崎幸緋聞男友中川雅也多才多藝,除咗係作家,亦會粉墨登場,舊年就演出福山雅治嘅《誰調換了我的父親》。

2010年,松嶋菜菜子復出拍攝嘅《家政婦三田》,創下高收視,令佢心雄。有傳要收天價,先肯拍續集,因而激嬲電視台將佢 fadeout,改用柴崎幸。

《家政婦三田》續集以柴崎幸配東山紀之,柴崎幸飾演表面完美無瑕,實則隱藏好多不為人知秘密嘅妻子。至於劇名《 OO妻》, OO係乜電視台故意賣關子,話到劇集播出時先公開喎。

東山紀之

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()