靚抽王

為佔中廢青解毒

Ads by Google

「嗱,我話你知吖,啲佔領嘅細蚊仔呀,一定係收咗錢㗎!因乜理由吖!又唔衝擊仲喺度掃街,仲有人喺度挑燈夜讀,你話佢哋唔收錢?我唔信!正一廢青!」——咳,多謝呢位來自維園嘅伯伯嘅問題。查實呢,或者我再重申一次,我哋係未有實質嘅證據,係未有實質證據指佔領嘅年輕人收咗錢嘅。不過呢,既然你哋咁憎佢哋,我就為大家度啲 S橋化一化佢啦! I will now recap in english!


橋一 讀屎片不如睇屎片


學芝心大導演黃精話齋,啲學生搞埋晒啲無謂嘢,乜鬼嘢民主自由呀,完全冇商業效益!正宗「讀屎片」!既然讀咁多書都冇用,就證明屎片唔係用嚟讀,而係用嚟睇嘅,所以我哋熱烈地推薦以下嘅高質電影俾啲廢青用嚟洗洗腦嘅:
橋二 臉書專頁 Click Like大法

獨立女歌手 Serrini翻唱撐佔中神曲〈話你戇 X怕你嬲〉,點知藍絲帶李力持聽完頭幾句引述「戇 X」朋友批評佔中人嘅歌詞,以為首歌係反佔中,喺 fb大讚, Serrini即叫膠咗嘅李生買佢嘅 CD。

好多學生啲佔領資訊都係喺臉書度睇番嚟!咁好簡單啫,家長們只要偷偷地用子女們嘅臉書,將嗰啲支持佔領嘅專頁全部 unlike,再 like晒啲乜鬼嘢《港淫港事》、《時淫香港》、《向香港賊佬致敬》,等啲細路可以睇番啲應該睇嘅嘢!咩話?你話啲細路識得上 Google search清楚啲資料先判斷真假,唔會好似李力持咁「話佢戇 X怕佢嬲」,睇到啲嘢就活剝生吞毫無過濾,將支持佔中嘅歌當係反佔中歌?
橋三 習總道教符咒


如果用晒以上正宗嘅方法唔得,惟有訴諸宗教,一於落示威區求番道符,唔使燒咗佢嚟飲,貼上塊臉度就得㗎喇。

撰文:娛文樂

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()