靚抽王

毛記黨報之大義滅親

Ads by Google

毛記喺黨嘅領導下當然係歌舞昇平,一啲問題都冇,
就算有小小風浪,都只係多一個機會去證明毛記嘅高層立場鮮明,
有利於公司繁榮穩定啫。


【袁同志公正嚴明】 肅清反黨分子


早前一班前線毛記新聞工作者,明明唔係警察們心裏面條蟲,竟然喺冇加任何懷疑字眼嘅情況下,喺偉大嘅毛記新聞播出警察打人報道。呢個星期,有份參與呢個革命計劃嘅助理採訪主任何康康,終於喺新聞部總監花蟹哥嘅安排下,發配邊疆,調去做資料搜集,再一次證明偉大嘅黨新聞部係絕對唔容許有違反黨領導嘅聲音的。
【鐵面余主席】 力斥聯署員工


早前有毛記新聞部前線記者採訪撐警集會受傷,一眾無知員工竟然不理黨嘅勸告,聯署聲討暴力,毛記綜藝科總監余主席指此舉有違黨的河蟹領導方針,認為有必要扣花紅懲罰聯署員工。一日後,毛記外交部宣布「扣花紅」純為余主席嘅個人愛黨言論,再一次證明毛記疼愛員工有加,實在令人滾動非常。
【王祖藍對黨的立場模糊】 有反黨嫌疑

喺劇入面竟然話有權力嘅爪牙利用「門檻特別低」嘅提名委員會嚟控制民意,十足十 689嘅假普選宣傳伎倆。

毛記嘅頭號搞笑小生王祖祖同志,近日除咗拍攝演出,亦有負責為劇集創作故事,實乃我黨之福。唯在《老表,你好 hea!》出街後,竟發覺有部分內容有諷刺黨的嫌疑,令人質疑王同志對黨的立場。

撰文:娛文樂

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()