Dior

名人潮

黑白道

Ads by Google

當今時世,流言蜚語眾多,未必人人有分辨黑白能力,造成今日亂局。

時裝界黑白分明,色調通透得多。
長青、襟興的黑白兩色,今季又再搶先一步,充斥整個社交圈。不過姊妹們要搞掂黑白兩道,都係一大學問! 


鍾楚紅 型格吸引
Ricky評︰「黑白配襯簡單造出時尚張力,紅姑親身示範有型格嘅女人味。佢一件單膊上身衫已經好有吸引力,下身配西褲,感覺端莊而隆重。」
周汶錡 過分普通


Ricky評︰「白西裝褸加黑百褶裙好普通,如果襯黑色衫更加同 OL冇分別,好彩 bra top、靚鞋夠搶眼。髮型放散太女人, gel貼會更型。」
馬詩慧 有型搶鏡

Versace

Ricky評︰「佢 keep得好好,對長腿一樣咁靚。着呢類中性打扮,特別啱佢 style,一貫好 cool、好型感覺。近排嘅黑白造型,佢係最靚、最有時代感。」
周美鳳 舒服自然

Chanel

Ricky評︰「佢平日打扮較鮮色,今次嘅簡單配襯反而有新鮮感。呢條黑白配色裙感覺端莊,配埋簡潔髮型,係穩陣嘅打扮。」
鄺美雲 貴氣逼人

Alexander
McQueen

Ricky評︰「一貫優雅高貴感覺,好啱佢 style,感覺風騷好有女人味。件黑色貼身裙,領位有白色 ruffle好立體,配埋白色毛毛披肩,好有層次感,襯成一絕。」
袁詠儀 白褲出事

Giorgio
Armani

Ricky評︰「白色上身衫款式特別,散發中性型味。不過白西褲唔鬆唔緊,顯得 hip位有啲肥,轉貼身直黑褲、白傘裙會更好。」
何超鳳 簡單突出

訂造

Ricky評︰「一身名媛造型,簡單嘅拖尾 tube dress,好有壓場感。晚裝嘅 cutting拉長線條,令佢感覺更修長,加埋咁 elegant嘅髮型,好搶鏡。」
profile


星級形象指導郭慶彬( Ricky Kwok),定期被邀到巴黎時裝周欣賞大牌 fashion show,近年他做埋潮店老闆,於銅鑼灣開時裝店。
Ricky指黑白襯色永遠唔過時,不過容易着同時,亦要注意襯得悶。

•簡約襯色易感覺悶,可加飾物或彩色配件,例如螢光鞋、袋,感覺更有型。

•最忌上身黑色、下身白色,感覺上重下輕,好容易着得人肥、大籮柚。

•東方女仔普遍嬌小,若想襯白色下身,可揀見到腿形的貼身褲,比例較修長。

•揀白色衫着重質地,盡量揀薄身,例如雪紡等,感覺飄逸。

Givenchy

Balmain

撰文︰蔡靜雯
攝影︰陳志輝、高嘉穎

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()