37歲嘅方健儀,唔做 ICAC之後,嚟緊除咗開咪,仲會返母校中大教新聞系公關課程,又做皮革小生意。

Ads by Google

媽咪姐
良心女主播 方健儀:無限支持前同事
媽咪姐幾時都話,日久見人心!余詠珊入咗大台兩年就烽煙四起,兩年前走嘅前女主播方健儀呢,始終憑良心,撐同事!


啱啱無做 ICAC新聞主任嘅佢,周三( 5日)就出席一個護膚品活動。被問到點睇余詠珊對大台聯署員工嘅打壓,佢話離開舊公司一段時間,未掌握到內部變化,作為一個 outsider唔應該對管理層作乜嘢評論。不過方健儀話絕對尊重聯署嘅前同事,「因為自己以前都面對過,知道前線新聞工作者係點樣辛苦。而我先生都仲喺新聞界,作為家人,都會知道依家嘅情況,所以對記者係無限支持,希望大家都頂住!」實話實說,呢啲就係新聞工作者嘅良心嘞!方健儀遲啲仲會去 DBC數碼電台開咪做 phone-in節目,好期待佢為大家發聲呀!

同樣係前女主播, 33歲嘅趙海珠喺 2011年嫁咗俾物流太子爺之後,生 B湊仔。對於大台所有事,佢都話唔方便回應喎。

前年,方健儀同大台工程人員洪楚恒結婚,成個新聞部都差唔多嚟齊,可見佢人緣極好。今次佢亦挺身力撐前同事。
《蘋果日報》圖片

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()