fuck1.jpg

突然現身
馬賽周三( 5日)突然現身大台,她直認接拍《東坡家事》,當日是試造型。被雪三個月就冇事,馬賽認真幸運。

Ads by Google

滾熱辣
鬼祟解凍拍新劇 馬賽演妓女博翻生
7月尾,馬賽穿着情趣內衣跳艷舞的短片流出,即遭大台宣布雪藏。不過大台花旦買少見少,馬賽不久就轉任娛樂台主播,雖然降咗呢,但可以保持曝光率,只是冇得拍劇,名義上仍被雪藏。
不過,本刊收到消息,最近大台已暗地裏解凍馬賽,還給她夥拍收視福將歐陽震華,拍攝新劇《東坡家事》。不過大台對馬賽拍劇一事,卻極為保密,除了未有安排她出席《東》劇上周的開鏡儀式,就連該劇海報都「被消失」。相信是希望淡化艷舞片對馬賽的影響,掩飾她的「雪藏期」僅得三個月,維護大台僅餘的威嚴。

今年 7月,馬賽穿着情趣內衣跳艷舞的短片流出,大台火速安排馬賽開記者會解畫,不過形象仍直插谷底。去年馬賽與汪子琦在上海被拍下親密照之後,樂易玲曾問過馬賽是否還有其他「黑材料」。當時馬賽誓神劈願表示沒有,結果樂易玲事後知道馬賽連自己都呃,幫唔落,任由她被打入冷宮。
「馬賽一向把口好叻,𠱁得樂小姐好掂。出事之後,馬賽聲淚俱下求樂小姐俾機會佢。樂小姐眼見依家大台花旦買少見少,都有心軟,不過佢覺得馬賽點都要過冷河,所以叫佢去英國遊學洗底。返嚟之後,馬賽話自己 ready拍劇,咁新劇《東坡家事》入面有個叫琴操嘅妓女角色,原本係搵 JJ(賈曉晨)做,佢檔期唔得,樂小姐咪即刻安排馬賽頂上,仲加重琴操戲份。」知情者說。
其實「雪藏」未夠一個月,馬賽已經被調往收費台任娛樂新聞的普通話主播,又出席 fashion show搵銀,近日更獲全面解凍拍《東坡家事》,實在能人所不能。但上周五《東坡家事》的開鏡禮卻冇安排馬賽出席,就連該劇海報都刻意剔走她。據悉是樂易玲意思,希望用時間淡化馬賽的負面新聞,同時可以製造假象,令其「雪藏期」加長,盡量保持大台威嚴。

海報「被消失」
上周五( 31日),《東坡家事》開鏡,不過當日馬賽冇影,就連宣傳海報亦唔見馬賽照片及名字。

《東》劇男主角歐陽震華透過經理人表示:「唔知馬賽有份演出!」連同馬賽最多對手戲的歐陽震華都唔知,大台保密功夫做足。
監製認戲份重
記者向《東坡家事》監製黃偉聲求證馬賽解凍拍劇,他不但直認馬賽有份演出,還稱有很多戲份,同男主角歐陽震華更有多場對手戲。不過對於她沒有出席開鏡禮則解釋牽強。

記:記者 黃:監製黃偉聲
記:點解上周《東坡家事》試造型冇馬賽份?
黃:係呀……嗰日佢啲衫未造起……
記:馬賽今次飾演妓女?
黃:唔係妓女,係琴操姑娘。
記:個角色本來係搵 JJ?
黃:係好耐之前嘅事,佢個檔期配合唔到。
記:馬賽 ready拍劇未?
黃:我同佢傾過偈,佢 ok!
記:佢今次多唔多戲份?
黃:梗係多啦!佢同 Bobby(歐陽震華)最多對手戲!
雖然監製說馬賽多戲份,但她的對手歐陽震華卻竟然唔知馬賽有份拍,他透過經理人回覆表示:「冇人講過有呢個角色喎,都唔知馬賽有份演出!」看來馬賽飾演的琴操,明顯是臨時獲加戲份,原本和歐陽震華同場的戲份不多。

馬賽一向識得討樂易玲歡心,所以雖然她多次犯規條,仍可以甩身。

爆出艷舞短片後,大台即動用維穩節目《東張西望》為她做訪問,不過網民愈插愈勁。

馬賽在 8月到英國遊學,進修演藝課程,實行洗底,但隨即被汪子琦踢爆指馬賽一身名牌都是汪買給她的。《蘋果日報》圖片
冧 TB打入影圈
除了在電視圈繼續進擊,馬賽心知形象不再「入屋」,於是千方百計搭路入影圈。早前她卒之埋到許鞍華堆,在其新戲《 8部半》演出。
知情者透露:「馬賽之前喺浸會大學讀電影及電視課程,佢住宿舍時有一個 TB已經好冧佢,後來個 TB入咗電影圈做 PA(助導)。馬賽知佢識好多影圈人,所以出事之後,就搵佢哭訴,話自己想試下拍電影。為咗冧 TB,馬賽仲成日同對方 wechat,卒之 TB知阿 Ann(許鞍華)新戲有一個學生妹角色,咪向阿 Ann推薦馬賽。咁馬賽扮慣『純純兔』,許鞍華都覺得佢適合。」
馬賽個底咁花,都有大台同大導演撐,似乎「識做人」緊要過「識做戲」!

許鞍華避談
馬賽 10月以女學生 look,拍攝許鞍華新片《 8部半》。《 8部半》分為八個單元,由許鞍華、杜琪峯、徐克、吳宇森、洪金寶執導。許鞍華被傳媒問到點解搵馬賽拍新片,許鞍華就以「愈講愈弊」為理由拒答,頗為避忌。《蘋果日報》圖片

馬賽最近主演的一部大台劇集,已經是一年前的《法外風雲》。劇中她是一名 wet妹,被闊少王浩信強姦。

晒 iPad身材
馬賽當日收工穿着貼身背心,身材十分瘦削。據悉她回港後深居簡出,只是偶爾會去中環 shopping,但生活依然豪氣。《蘋果日報》圖片

馬賽在第一套劇《女王辦公室》已經是女配角,而《女王辦公室》的監製,就是黃偉聲。後來黃開拍《九江十二坊》,亦搵馬賽做女配角。
舊愛微博晒復合
雖然汪子琦因為馬賽介入同內地富婆 Laura分手,不過近日兩人明顯關係修好,不時在微博晒恩愛,看似復合。


甜蜜合照
10月,汪子琦與 Laura孖住出席朋友婚禮, Laura大晒兩人甜蜜合照,而汪子琦就話自己好感動同開心,兩個人一齊晒幸福。


明踩馬賽
汪子琦晒多張自己與 Laura的親密照,然後留言話:「甚麼珍貴,甚麼廉價,不能不明了。」明踩舊愛馬賽是廉價。
讚 Laura天使
汪子琦 9月尾話自己身邊一直有個守護天使,明讚 Laura係天使,對她不離不棄。
馬賽「雪藏」事件簿
馬賽出事之後,雖然被大台「雪藏」,不過一直都有曝光,而且生活並不似她自言要靠家人接濟咁慘。

喊爆維穩
7月尾爆出艷舞短片後,大台即動用維穩節目《東張西望》為她做訪問,之後又為她開記者招待會,馬賽全程喊爆。

出騷搵錢
雖然被「雪藏」,但她在 8月中已經可以接時裝騷搵真銀。她全程大講佛偈,成傳媒焦點。

英國遊學
馬賽到英國遊學,大台直擊她登機的過程,甚有為她「洗底」做宣傳之嫌。

中環濕平
馬賽在 9月尾被發現與女性友人到中環行街,她十分鐘就豪花近八千蚊,不似財困。

打入影圈
10月,馬賽成功殺入影圈,拍攝許鞍華執導的新片《 8部半》。

 


撰文:娛樂組 
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()