社交圈

紅人

Ads by Google

近排係敏感時刻,阿太去 ball唔係著藍,就係著黃以明志;今個禮拜班名人卻喜歡著紅,黃、藍暫時擺埋一邊。


黃婉曼 紅新娘


由天氣女郎出嫁做馬主夫人的黃婉曼,週日跟會計師老公馮柏基在洲際擺五十圍喜酒。二人鍾情意大利,飛去當地影婚紗和中式大紅裙褂結婚相,返到嚟香港擺酒,又將場地布置成為意大利風情花園。據知黃婉曼對丈夫是一見鍾情,仲反傳統唱情歌,「今晚我會唱陳奕迅嘅《今日》送俾老公,因為人生除咗幸福,痛苦患難都想一齊過。」
Cara G. 阿女最紅


上週六,混血名模 Cara G.帶同八個月大的女兒 India,一齊出席童鞋品牌 Gusella的新店剪綵儀式。兩母女首次一齊出騷,著住紅色裙仔嘅 India不但冇扭計,仲非常活潑,最搞笑係佢拎住隻紅鞋仔放入口咬,萌爆搶鏡, Cara都忍唔住話:「想生多兩、三個。」
唐青儀 蠱惑紅裙


佔中運動一日未搞掂,特首老婆唐青儀去到邊都要低調,就連上週五晚的紅十字會晚宴,公關發給傳媒的通告都唔敢加佢個大名;至於衣服顏色,今次佢就揀紅裙,但睇真啲,原來裙上面有藍又有黃,認真蠱惑。
薛芷倫 飛來紅


Ball后薛芷倫上週六晚出席「心蓮心」慈善晚宴,由於大會主題是法國宮廷花園, Fanny專登由上海飛咗條 Badgely Mischka couture紅裙嚟香港襯番個 theme,「今次係為遭遇家暴嘅女性籌款,好有意思。」問 Fanny有冇類似經歷?佢笑話:「冇,但夫妻嗌交避免唔到,最緊要係男士唔好打太太,如果遇到家暴就一定要求助,唔可以啞忍。」
郭秀萍 紅色愛美神


身為香港紅十字會副主席的合和老闆娘胡應湘太太郭秀萍,當然要著紅色出席上週五晚的紅十字會晚宴,咦?胡太一個側身現出浮凸身材,唔通跳社交舞真係有如此神奇功效?難怪胡應湘係出名嘅愛妻號啦。

撰文、攝影:名人組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()