細佬,你仲 chok過我!(設計對白)

Ads by Google

探熱針
瞞住老豆 林峯弟 林逸洺 捽碟入行
父親林華國是有「廈門李嘉誠」之稱的內地富商,但林峯卻對家族生意不表興趣,林父唯有培養細仔林逸洺做接班人。去年大學畢業後,林逸洺回國隨父學做生意,但一向熱愛音樂的他,最近竟秘密客串做 DJ捽碟,還在大佬林峯搭路下,為入行做好部署。家族百億大茶飯冇人吼,林父頭痕!


一樣 chok
林峯胞弟林逸洺去年在美國南加州大學商科畢業後,即被父親徵召返回廈門老家學習打理家族業務,經常陪伴林父出外傾生意。不過,只有廿四歲的林逸洺始終醉心音樂,甚至希望跟大佬睇齊,入娛樂圈出碟做歌手。要肩負家族百億生意,林逸洺依然技癢,近期更在朋友搭路下,在內地客串做 DJ捽碟。
「林逸洺識彈結他,喺美國讀書嗰陣亦有同朋友一齊玩音樂,佢屋企有齊打碟機同混音設備,乜嘢架生都齊晒。其實佢同林峯一樣鍾意 chok亦喜歡娛樂圈;幾個月前,有朋友搞咗個私人 party,佢落場幫手捽碟,好多人都讚佢掂,之後就繼續喺朋友啲 party客串做 DJ。林峯亦好撐細佬,講明不論捽碟定夾 band都會支持,仲一定會幫手搭路。」知情者說。

學足阿哥
林峯胞弟林逸洺一向喜歡音樂,想學阿哥林峯出碟做歌手,早前搵攝影師為佢影 chok爆相。

林逸洺本身識彈結他,家中有打碟機,近期瞞住父親,在內地偷偷客串 DJ捽碟,鋪路入行。

林峯和弟弟感情甚佳,之前林峯在內地拍劇,林逸洺特別由廈門飛去探班。
未必走得甩
兩兄弟都喜歡娛樂飯多過家族大茶飯,但頂替林峯做父親接班人的林逸洺仍未過到林父一關。
「佢哋阿爺林夢飛做過福建省政協副主席,林家喺政界仲有影響力;屋企生意做得咁大,林華國梗係想搵番自己後代做接班人。大佬唔肯返嚟幫手,林逸洺都知自己走唔甩,佢驚老豆唔開心,所以一直瞞住屋企偷偷去做 DJ捽碟。雖然仲未同老豆開口講數,但佢好熟內地音樂圈,亦有唔少朋友係做音樂,將來真係出碟,大把人會幫手。」知情者說。

勁似祖藍
林峯(右圖)從前鼻大眼細,過去的他比現在跟細佬林逸洺更似樣。而林逸洺十足林峯和王祖藍的混合體。

 

莫非我係林峯失散兄弟?(設計對白)

去年林逸洺大學畢業,右起:林峯父母、林峯和吳千語、林夏薇及林峯胞妹林蔚殷赴美出席畢業禮,錫晒林逸洺。

林峯胞妹林蔚殷跟老公十分恩愛,她遺傳了林家的「福氣鼻」。

林逸洺經常中美兩邊飛,早前去捧泰臣場,特別去攞簽名。

林峯粉絲愛屋及烏,會搵林逸洺合照。


撰文、攝影:娛樂組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()