本週一,杜琪峯邀請了胡杏兒參加「亞洲電影大獎」晚宴,胡杏兒盛裝胸前透「 M」出現。

Ads by Google

明年初就同大台約滿的胡杏兒,自從九九年當選港姐季軍後,便由姐仔變視后,一做十五年,但胡杏兒冇打算留低,更暗示打算北上發展賺人仔。
繼林峯、陳法拉等一線小生花旦相繼離巢,大台馬上派出樂易玲,急召身在上海的胡杏兒返香港傾約。大台臨急先嚟留人,但要綁住胡杏兒唔容易,因為連杜琪峯都出手搶人,拉攏她過檔與自己有密切關係的「銀河海潤」。

一見錫面
胡杏兒同杜 sir杜琪峯,一個電影人,一個電視人,照計大纜都扯唔埋,但本週一(十一月三日)晚,杜 sir竟然邀請胡杏兒出席「亞洲電影大獎學院首屆籌款晚宴」,兩人一見面便擁抱錫面,關係唔簡單。
「嗰晚杜 sir買咗張枱,所以要請啲藝人出席,佢點名話想請杏兒,因為之前佢哋合作過《奪命金》,杜 sir覺得呢個女仔幾勤力,所以對佢印象好好。」杜琪峯身邊人說。
自從胡杏兒約滿消息流出後,香港同大陸分別有製作公司傾她過檔,當中包括與杜琪峯在國內屬夥伴合作投資的「銀河海潤」。由於「海潤」年產多套電視劇,又會投資電影,絕對適合一心諗住北上進一步開拓國內市場的胡杏兒,雙方就簽約問題亦進展良好。
據知,「海潤」除了睇中胡杏兒是香港極少數花旦,能在大陸劇中擔演女一位置外,原來杜琪峯背後亦有幫口,出力大讚胡杏兒有潛質,提議「海潤」將她羅致旗下,影、視雙線力捧。

杜琪峯一見到胡杏兒就握手又錫面,相當熱情。

 

上月中,樂易玲約了胡杏兒到半島酒店食飯傾約,但離開時兩人冇乜交流。
急召返港
由於「海潤」過檔條件比大台優厚,識得揀,一定揀杜 sir,加上撞正要到上海為新劇《梟雄》拍外景成個月,所以胡杏兒與無綫傾約時亦放軟手腳,但大台今次唔敢是是但但,馬上派樂易玲出馬要求劇組放期,等胡杏兒有時間返香港傾約。
「 TVB稍為有級數嘅小生花旦所剩無幾,所以佢哋都好着緊留人,開出過千萬簽三年條件,又應承會放佢返大陸拍劇搵錢,諗住用錢留人。」知情者說。
坐言起行,上月中樂易玲親自約胡杏兒到半島酒店傾約,兩人食了近三小時晚飯才離開,在門口等車期間,兩個甚少交流,似乎銀彈政策,未能改變胡杏兒的離去之心。

胡杏兒有份拍的《醋娘子》,原本安排十月播,但突然抽起,使她無緣角逐今年視后。

大台二○一五年月曆,將胡杏兒放在側邊位,難怪她心灰意冷。

胡杏兒拍過杜 Sir執導的電影《奪命金》,一一年仲帶埋她、劉青雲及何韻詩到威尼斯出席影展。

大台花旦來來去去只有胡杏兒及佘詩曼獲邀拍大陸劇,之前胡杏兒就同黃少祺拍了《金玉滿堂》。
脫苦海


近年唔少無綫親生仔女離巢向外闖,大部分都搵到好路數,工作量及收入倍升。

林峯
林峯今年約滿無綫,傳以 1億天價加盟英皇,簽約三年,高層吳雨更承諾會在歌、影、視三方面揼本力捧。


陳法拉
離開無綫後,改由陳慧琳及張家輝的經理人鍾珍代接洽工作,並轉攻電影圈,先後演出《奇幻夜》及《神秘寶藏》,另外接拍了內地劇《風中奇緣》,目前在大陸熱播中。


謝天華
自組公司的謝天華,主力返內地拍劇,最近接拍了《爸爸是條龍》,加上登台一單接一單,錢途無限。


高鈞賢
02年參加《香港先生》入行的高鈞賢,今年終於約滿,脫離大台後,即接拍內地電視劇及頻頻出席商業活動,自爆離巢後三個月已賺多過在無綫一年的人工。

撰文、攝影:娛樂組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()