Maxwell在浸大傳理系畢業,修讀數碼圖像傳播,現職廣告設計師。他說最難畫的是「薑融」:「因為唔想畫得太猙獰嚇親小朋友,又唔想俾人攻擊我個 fb,所以畫得中性啲,但有人投訴點解畫到佢咁可愛。」

Ads by Google

雨傘運動為香港人未來民主道路抗爭,作為未來主人翁的小朋友又理解到幾多?最近就有個廣告佬,以簡單的卡通公仔繪畫出有關人物,吸引家長和小朋友關注。
Maxwell畫的 MR.G Phone、 MR.689等等似樣又趣緻,但最難畫就係「薑融」囉!其「 MR& LITTLE MISS HK PEOPLE」 fb專頁已有 6萬人 like。不如整個雨傘懶人包,等班小朋友都睇得明雨傘運動係咩事啦!

 

 

 

 

F:你係咪熱衷於社會運動嘅人?


F:《 FACE》  M: Maxwell

M:以前對政治冇乜睇法亦唔熱衷,可以話係政治冷感。以前老師問我點解要讀設計,我話想為呢個世界帶嚟一啲美好啲、正面啲嘅嘢,而能力上我覺得 ok,所以我揀設計為工具,但一直做唔到,今次係個好機會。
在金鐘雨傘廣場,有人用 Maxwell的公仔畫到頭盔上, Maxwell看到表示感覺得意:「由二次創作去到三次創作,係好神奇!亦彰顯香港人係好有創意!」
F:雨傘運動點解令你變得熱血?


M: 9.28放催淚彈,令我好激動、好嬲,點解要咁樣做呢?之後我經常嚟佔領現場行,仲有派過物資派過水同做義工;好欣賞大家團結同互愛,真係未見過香港人團結到咁樣!喺銅鑼灣有次有人嗌幫手搬嘢啦,隨即就有兩行人鏈組成咗,將啲物資由銅鑼灣一個一個搬到灣仔,係好誇張!香港人係可以好齊心好互愛囉!畫呢啲公仔係想啲家長解釋畀佢哋嘅小朋友知𠵱家發生緊咩事,所以用啲可愛 style嚟畫,我雖然未婚但好鍾意小朋友,希望社會變得好啲,係需要由細個教起。
學聯代表周永康和岑敖暉的友情關係成為城中熱話, Maxwell當然唔放過:「相信佢哋唔會嬲,啲 fans都會好喜歡佢哋嘛。」
F:你作品入面冇畫過警察懷疑勾結黑社會或者打人,點解呢?
M:因為我唔想妄下判斷,冇一個人係完全正義或完全邪惡嘅,但呢件事上每個人都受緊好大壓力,情緒上可能真係控制唔到。小朋友只會問點解許 sir又出嚟阻住佢哋睇卡通片?所以對我嚟講,只係得「四點鐘許 sir」同唔見咗一哥係適合做題材。有人叫我畫「暗角」,但呢件明顯係好負面嘅事,我覺得要好小心,可能佢哋係做錯事,但唔想我啲創作傷害到佢哋屋企人。
黃之鋒被捕後,警方帶走他屋企的高達模型,黃之鋒恥笑唔通模型內有武器?所以 Maxwell將之鋒配上高達裝束,表達他只有盾牌和大聲公,沒有武器。

《蘋果日報》圖片

F:你認為佔領行動結果會點?有冇發現外國勢力?
M:我覺得唔會有咩理想結果,走唔走就睇吓政府有乜回應到市民,佔領係自發性,自學聯同政府傾完都未必人人滿意,結果好難預料!外國勢力我見唔到囉!我冇受過外國勢力嘅恩惠囉!真係唔知呢樣講法邊度走出嚟;就算有咁又點呢?大家係為咗有民主,又唔係想推翻政府嘛!

攝影:周凱瑩

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()