•青衣 IVE工商管理
• Top-up Degree Yr.1
•歐陽潔晴( Hannah)
拍攝當日 Hannah話今次除咗想影靚相之外,仲想透過自己的反叛經歷告誡更多人!

Ads by Google

食煙劈酒講粗口、躝街夜蒲唔願走,係典型 MK蒲妹指定動作,現就讀青衣 IVE工商管 Top Up degree Yr.1嘅歐陽潔晴( Hannah),話呢啲係碎料!歐陽潔晴 Hannah
咪睇 20歲 Hannah可愛清純,中學又讀名校真光女子中學,躝街夜蒲當食生菜,估唔到佢仲竟然試過離家出走三個月,之後又不時同屋企人嗌交,成績又屬包尾大軍,係學校壞份子。


其他影片
愛蒲妹變純兔
Hannah直認當時無心向學,日日上堂瞓覺,仲識咗啲學校以外嘅壞朋友,慢慢變得躝街夜蒲,家人仲因為她反叛差啲搞出人命,「細個成日同屋企人嘈交,記得中二嗰年有次出夜街玩,比爸爸發現咗,佢好激動,衝咗入廚房拎把菜刀對住我講:你出咗呢個門口就以後都唔好返嚟!當時媽咪好驚好徬徨,剩係識得攬住我想保護我,好彩爸爸只係情緒激動,好在佢最尾都放低把刀。」
Hannah爸爸會當佢透明,同媽媽關係亦愈嚟愈疏遠,連最錫我嘅阿妹都質疑她說:「點解有個咁樣嘅家姐?」

唔好睇𠵱家 Hannah(左)咁清純,其實以前係爛蒲妹,成身造型好 MK!

自從 Hannah(左一)跟父親破冰後,好着重家庭團聚,特別係家人生日,幾忙都會現身慶祝!

Hannah最近自學結他,佢話想作曲填詞,兼自彈自唱拍 MV。

直到中五,當 Hannah遇上做兼職時裝店老闆,反叛妹開始變純純兔,「時裝店嘅老闆同所有員工都係基督徒,所以跟咗佢哋返教會,返返下就變埋基督徒。」信主的 Hannah開始學識反省自己。「有一晚我主動搵爸爸傾計同佢道歉,話佢知無論如何點都愛佢,跟住爸爸都攬實我同我講返對唔住。」最後大團圓結局,咦?乜咁似啲大台劇情嘅,不如加埋 BBQ啦!

撰文:彭家駿
攝影:何榮亮
形象及化妝: Kika Wong

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()