上週三( 29日),黃光亮為新劇《以和為貴》開工,並否認負債一事,仲話自己做咗 20年生意,嵋家生活根本唔憂食唔憂用喎

Ads by Google

黃光亮同王祖藍上次喺《老表,你好嘢!》玩父子 feel,今次《老表,你好 hea!》再度合作,光亮大叔仲扮演搞鬼神父,預咗有笑位啦!
黃光亮早年刻意減產幕前,直到近年先出山拍劇,原來佢有份投資嘅紅酒同日本食材生意上晒軌道,揸住百萬波子開工拍劇原來只係為興趣。不過之前曾傳出他投資電影、木材生意欠債千萬嘅傳聞,黃光亮就斬釘截鐵對本刊話:「亂×咁寫!」 62歲黃光亮名符其實禾稈冚珍珠! 


專扮演江湖大佬嘅黃光亮, 08年試過借朋友千萬投資法國動作片《 Last Hour》,自己身兼製片同演員兩職,剃光頭打餐死搏到盡,只可惜最後遇上發行問題無法上映,只能賣 DVD嘅困局之下,結果蝕鑊甘!大家以為黃光亮返大台拍劇為撲水,實情竟然有另一版本!

早前,黃光亮揸住架百萬波子四驅車開工,未開工埋位時,即刻匿入車廂攤抖。

黃光亮所揸的波子,淨車價已經接近 90萬,加埋個中港牌閒閒哋過 100萬,成個中港商人格。黃光亮架波子由他與老婆持有的公司登記。

黃光亮復出拍劇為興趣,唔使愁生活特別精神!電視畫面
「就算失利都再投資」
去年初,由王祖藍孭飛的劇集《老表,你好嘢!》口碑高收,連帶劇中一班演員成為新聞人物,當時已傳出黃光亮為還債先回巢拍劇。不過據知黃光亮停工幾年,專注紅酒和日本食材生意反而愈撈愈掂,閒時仲約埋好友開 P包酒水兼任食。今次復出拍劇都只係為興趣。
早前,本刊撞見黃光亮揸住架百萬波子開工,未埋位就匿入車廂休息,好疏乎㗎!上週三( 29日),黃光亮再為大台新劇《以和為貴》開工,問到早前指他欠債一事,他說:「報紙見到嗰啲全部都係亂×咁寫!(嵋家賺好多?)都有啲嘅!哈哈,唔憂食唔憂用囉!(再投資開戲?)好有興趣,就算失利都會!」

黃光亮喺新劇《老表,你好 hea!》做神父,一樣過到戲癮!

黃光亮喺新劇《以和為貴》做番最耍家嘅黑社會角色,單睇外型已經入型入格,拍住徐子珊同馬德鐘都唔遜色㗎!
老婆生意掂
黃光亮太太張桂芳所持有「優質堂國際有限公司」,主力供應新鮮嘅日本海鮮食材,前幾年曾受日本輻射問題影響生意,不過甚有生意頭腦的張桂芳就諗出減價促銷嘅好方法,成功挽回生意額,之後又喺每年嘅美食博覽推出 1蚊食材嘅計劃,成功搶客!

《蘋果日報》圖片

黃光亮雖然甚少提太太張桂芳,不過撈咗 20年生意,儲落唔少彈藥,仲打本界老婆開設一間高級日本食物批發公司「優質堂國際有限公司」,兩公婆拍住搵錢。

採訪、撰文:娛樂組
攝影:鄭明川

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()