美棋 BB上週六( 1日)出席有線電視宣傳活動時,否認有私下接 job,累前經理人被迫辭職。

Ads by Google

真面目
冇朋友 高拜低踩 黃美棋犯罪憎
萬眾期待嘅 HKTV 11.19啟播,好多宅男 buy一向好勁嘅美棋 BB當然興奮啦!不過有內部人員爆料,指黃美棋並非 BB咁 pure咁 true,更懷疑曾經私底下接 job收錢,卻將責任推到經理人身上,令對方被迫辭職。
美棋 BB人際關係亦麻麻,對前輩、高層就恭恭敬敬,對住同輩則扮大家姐,被迫辭職的前經理 Chili數臭她:「呢個世界『人善天不欺』,會有後果㗎!」

去年 HKTV不獲政府發免費電視牌照,但美棋人氣極高,工作不斷,是公司最搵到錢的藝人;雖然如此,她仍感前路茫茫,為儲多個錢,於是向公司投訴經理人 Chili接 job不力,繼而竟私底下接 job企圖隱瞞公司。

去年 11月有遊戲商邀請黃芷晴出席活動,無意間揭發了黃美棋原來同時接了該工作,但美棋卻賴是經理人代接。《壹週刊》圖片

姜麗文、黃芷晴和黃美棋以前同屬經理人 Chili,一同工作時表面友好,但姜麗文離開後卻不願再提美棋,欲言又止說:「好耐冇見!」《蘋果日報》圖片

HKTV經理人合約的演員中,美棋 BB是最搵錢之一,王維基也對她愛護有加,上年聖[!99D8] party美棋 BB更做埋 MC。《蘋果日報》圖片
前經理人數臭

網上圖片

美棋前經理人 Chili在 HKTV任職時,專負責帶星二代,旗下藝人有姜文杰、姜麗文、黃芷晴等。
冧掂前輩

《蘋果日報》圖片

黃美棋轉投 HKTV後接劇不斷又做主角,在《我阿媽係黑玫瑰》同影后惠英紅演母女,有幕後人員指美棋 BB好識做,對住前輩十分乖巧,對其他同事則態度麻麻。
私下接 job

今年張智霖拍〈你是如此難以忘記〉 MV,找來高登女神包括美棋 BB,更做埋演唱會嘉賓,美棋 BB做到冇停手。《蘋果日報》圖片

起初一些小型的 event仍瞞得住,但據知去年 11月一間大型機構想邀請 Chili另一藝人黃芷晴出席時,經理人提出不如請埋美棋 BB,該公司竟然說:「我哋搵咗美棋喇,佢 confirm咗。」才揭發美棋私下接 job。
事後經理人向公司匯報,公司高層致電美棋質問,可是美棋回答:「 Chili接㗎,你問佢啦!」隨即收線。高層雖知道事件是由 Chili揭發,但一來懷疑她和美棋扯貓尾別有內情,二來美棋始終幫到公司搵錢,遂決定改動 Chili的合約,大減四成人工, Chili惟有含寃離職,至於該次工作的酬勞誰人落袋就不得而知。
私下接 job外,美棋在電視台亦甚少朋友,被指不理睬同輩,卻不停擦高層及前輩鞋,連跟她多次合作的姜麗文都嘆了口氣說:「好耐冇見!」其餘則稱不方便回應。
前經理人 Chili上週四( 30日)在電話中回應:「過咗咁耐唔想再提番,邊個好邊個唔好我知道囉!我相信呢個世界『人善天不欺』,會有後果㗎!」又說:「發生呢件事之後,其他幕後人都睇到呢件事,知道呢個小妹妹嘅真面目啦!總之同佢合作嘅時候我問心無愧囉!」
美棋 BB上週六( 1日)出席活動時,問到有冇私下接 Job她就謂:「冇,從來都冇!」她解釋 2人關係:「 ok嘅!因為佢都係後生女,有時做完嘢一齊食嘢,我對佢算係咁㗎喇!佢都係一個幫我嘅人,唔會咁對佢嘅!」
HKTV開台 李心潔唔到
HKTV將於 19日開台,公投開台劇暫時票數領先的《選戰》上週舉行煞科宴,李心潔在老公出軌後首次在公開場合開腔:「放低喇!過去咗都要向前行。」
《選戰》極可能成為開台劇,而《選戰》因剛剛煞科,要趕後期,可能要一路播一路剪,但港視保證唔會影響質素。至於開台當日,據知 HKTV會邀請曾拍港視劇的藝員撐場,但由於李心潔因有事要回馬來西亞,故應該未能出席,發言人 Jessie表示:「會有個播片會記招,暫時未定有乜人會出席,但係就唔會請外援表演啦!」

《選戰》上週六( 1日)才搞煞科宴,未知能否趕及 19日開台首播。

截至週一( 3日)中午,《選戰》因題材與普選特首有關,票數已接近 9萬,拋離 2萬多票的《警界線》四倍。

採訪、撰文:娛樂組
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()