身形向來細小的司馬燕自切除胃部後得番 70磅,如今再瘦多 20磅,情況令人擔心。
《蘋果日報》圖片

Ads by Google

真面目
正能量  50磅司馬燕腎瘤煎熬 大仔吳景滔報平安:落到床 ok!
「我只想,身體健康!」個個識唱, 12年確診患上胃癌,需要切除整個胃部的司馬燕,手術後曾一度好轉,仲可以同老公吳忠義( Togi)再影婚紗相留倩影,可惜近日再傳出司馬燕的腎再生瘤,而膽管和尿管亦相繼出現問題。
上週司馬燕再次入院,老公 Togi醫院屋企兩邊走照顧老婆。週一( 3日)大仔吳景滔表示:「佢(媽咪)落到床,食到嘢,情況 OK。」希望正能量爆燈的司馬燕能再次打低癌魔!

51歲的司馬燕自 7月與老公 Togi慶祝生日後,微博再無更新,據知司馬燕自切除胃部後,由於每餐只能食少少,故身體一直虛弱,朋友聚會亦推得就推,原先還有 70磅的她,至今已跌至 50磅。由於要照顧老婆司馬燕, Togi已將工作帶回家做,方便進出醫院探妻;而與司馬燕分屬好友的周美鳳上週前往探病後亦表示:「好希望司馬燕過埋呢個難關。」

週一( 3日)大仔吳景滔向本刊表示司馬燕身體狀況 ok,但問到情況樂唔樂觀時又一臉疑惑說:「唔識答」。

雖然有病在身,但司馬燕仍然勇敢面對,問時仲會同老公 Togi行街解悶。
《蘋果日報》圖片

週一( 3日)傍晚 7點, Togi單拖到醫院探妻,期間神色匆匆,對記者發問不作回應。
冇聽過搞告別 P
司馬燕曾經在訪問時提過:「我以前無酒不歡,三個朋友可以飲四支威士忌。」可惜熱情好客性格始終對健康有損,司馬燕現在最想一家人齊齊整整。「𠵱家只要成個 family齊全就夠,阿仔眼中我係好媽咪,老公眼中我係好老婆,如果要走我都無悔。我係一個 fighter。」
週一( 3日)司馬燕大仔吳景滔照常返學,放學時向本刊表示冇聽過媽咪想搞告別派對。「咩 farewell party?唔知呀!(冇講過?)無。(媽咪𠵱家情況點?)佢𠵱家喺醫院 ok。(瘦晒?)唔係呀!佢食到嘢!(擔心媽咪?)少少啦,但係我哋全家都會支持佢。佢情況都 ok,落到床 ok!(幾時出院?)未知囉。(會延期去英國讀書?)我仲會去英國。」

病前無酒不歡,病後司馬燕仍常舉行 party,生活照舊。這張洪羅拔生日相,見司馬燕仍拿着酒杯,但當然不像以往狂飲的日子啦,她曾說會以羅漢果水代酒。
網上圖片

與司馬燕份屬好友的肥媽(左上一)和周美鳳(右下),三人經常見面聚舊,聯繫感情。
網上圖片

去年司馬燕再同老公飛去荷蘭影多一次婚紗相留倩影。
Fighter語錄


抗癌最緊要係樂觀,唔好覺得世界末日,當傷風感冒咁醫,係冇事嘅!

我以前好鍾意夜瞓唔瞓覺,好鍾意飲酒,所以上天比個病你,話比你聽,好 slow down喇喎!

我好乖㗎𠵱家,已經唔飲㗎喇!𠵱家用羅漢果水代酒。
80年代靚港姐
司馬燕曾參選香港小姐而加入娛樂圈, 90年曾為成人雜誌《 Penthouse》影過性感封面,曾一度行性感路線的司馬燕搏到盡,在當年保守的年代經常晒事業線,可是星運平平。後來司馬燕嫁給荷蘭籍老公吳忠義便退出娛圈,專心相夫教子,直至 00年被纖體公司邀請才再晒美好身段。

'80
《忽然 1周》圖片

'87
《忽然 1周》圖片

'90

'00
《蘋果日報》圖片

採訪、撰文:娛樂組
攝影:娛樂突發組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()