face.jpg

祖兒週日( 2日)同母親到灣仔食飯,一聽到父親欠債即黑面拒絕回應。
《蘋果日報》圖片

Ads by Google

封面
阿媽落閘 避見 6年 容祖兒拒孭 30萬父債
34歲容祖兒一直在單親家庭長大,由容媽余金鳳獨力撫養,兩母女感情極之深厚,即使祖兒現已貴為天后,容媽仍然經常傍實女兒出騷,貼身照顧。
相反祖兒與父親容錦輝感情疏離,加上容父唔生性,多年來冇盡過父親責任之餘,更為女兒帶來唔少麻煩。近日容父更被貼街招追債,據知此乃其 30萬賭債,現時容爸更玩失蹤人間蒸發。為免女兒再受利用影響聲譽,容媽堅拒幫前夫還債,聽晒媽媽話的祖兒亦唯有狠心唔理,等父親自己承擔後果。

父母在自己 15歲時離婚,容祖兒自此跟隨母親生活,同父親關係疏離,多年來甚少聯絡,過時過節亦不會見面。

容錦輝 17歲生下祖兒,後因包二奶拋妻棄女,兩父女多年來關係疏離。

容錦輝爭人 30萬賭債,近日被貼街招追數,連祖兒老闆楊受成旗下的駿景酒店,亦成為「尋人」目標。

最新欠債 2千蚊稅都欠
容父多年來惹過唔少麻煩,今年 1月連 2千幾蚊稅都冇交。

除咗欠稅,三年前容父經營水貨車店時亦被追討 6萬多元, 07年時更同母親林慧貞(容嫲)一同被控刑事恐嚇及盜竊。

深圳開吧

容錦輝曾開設「達誠汽車」做水貨車買賣,其後又去深圳開色情酒吧。
《壹週刊》圖片
唔會父債女還

同媽媽相依為命的祖兒,去年初舉行的《 1314演唱會》上,以大肚 look向媽媽致敬。
《蘋果日報》圖片

最近容錦輝被人貼街招追債,上面寫住「尋人─此人容錦輝,乃係樂壇天后容 XX之父親!招搖撞騙,欠債唔還,見字速聯絡,否則後果自負。」街招一度出現跑馬地,擺明衝住祖兒搞事。
據知容父今次爛賭累事,欠下約 30萬,因無力償還而走佬避債主。事發後祖兒雖然冇親口回應,不過已透過經理人霍汶希暗示會與父親割席,亦唔會父債女還,「咁多年祖兒一直由媽咪獨力撫養成人,關於爸爸嘅嘢,佢作為女兒責任做盡,祖兒為咗捍衞家人,以後老竇出面發生任何事,都同祖兒冇關,佢唔會回應亦唔會負責,當下最重要只有母親,其他嘢唔理。」
母女同一陣線

容媽當年離婚後,獨力湊力祖兒兩姊弟,所以一家三口感情極好,祖兒亦對細佬供書教學。

《壹週刊》圖片

容媽密友關月茵(右)投資有道,近年已成功埋到祖兒母女身邊,入晒屋。
《忽然 1周》圖片

有傳祖兒打本畀劉浩龍開日本餐廳,又親身開口幫男友同太陽城傾合作,絕對係廿四孝女友。
《蘋果日報》圖片
2千蚊都欠
本刊發現,容父多年來亦有不少欠債紀錄,最新一次係今年 1月爭稅局 2千幾蚊!
父親連 2千蚊都還唔到,相反祖兒則生活富貴,住東半山松柏新邨、揸波子,去年收入高達 8,600萬,更手持超過 2億物業。
一向謹慎理財的祖兒,近年將血汗錢俾晒容媽,而容媽則交俾 TB密友關月茵投資。關非常擅長投資,近年幫祖兒母女的物業買賣全部有斬獲,令祖兒放心將錢交俾對方;而且有密友照顧,失婚近廿年的容媽亦唔再記掛前夫。
爛賭又貪錢

3/11阿嫲封口
週一( 3日)容嫲聽到兒子欠債被貼街招一事,立即耷低頭唔出聲。

其實容錦輝早年仍有與女兒以短訊溝通,有時甚至親自煲湯拎上祖兒屋企,不過非常了解前夫爛賭貪錢性格的容媽,擔心女兒被利用,寧願做醜人隔絕兩父女來往,但有人仍不時以父女情做藉口埋身。
據知容父 5、 6年前曾相約祖兒食飯,傾唔夠兩句便向女兒借 10多萬,雖然對已屬天后級的祖兒來講只係小數目,但祖兒為免觸動母親神經,當時拒絕借錢,之後兩父女便冇再聯絡。 6年後的今天,竟發生貼街招追數一事。
容錦輝曾經做過水貨車買賣,上過深圳開色情酒吧,更娶了比祖兒年輕 4歲的內地女子,育有 1子,容父當年曾稱祖兒見過哎吔細佬,仲讚佢肥肥白白好得意。可惜容父撈極唔掂,有指最近更向人透露「𠵱家冇人冇物乜都冇」,既要走佬避債,又同嫩老婆散埋,人財兩失,真係早知今日何必當初呢?
3億樓后
油麻地上海街地鋪 市值約 2,300萬
香港仔深灣 9號高層 市值約 5,000萬
半山松柏新邨 3個單位 市值約 1.3億
大坑名門 2個單位 市值約 1億
跑馬地山村臺 市值約 1千萬
貼街招追數

黃夏蕙

洪欣

張致恆
陀衰家
明星表面風光容易搵錢,弊在遇着唔生性嘅屋企人,隨時要代為還錢,好多時都頂唔順要劃清界線!

《蘋果日報》圖片

蔡少芬
母親欠下 1,000多萬元賭債,蔡少芬 10年來代還,直至 00年公開與母親斷絕關係,近年關係好轉。


張栢芝
99年父親鬍鬚勇欠下 1,000萬賭債,其後有江湖中人發出「江湖姦殺令」,要栢芝父債女還。

《蘋果日報》圖片

吳奇隆
爸爸生意失敗欠下 1,000萬港元巨債,吳奇隆要做裝修、清潔工人和救生員等幫補家計,足足用 10年時間還清。

《蘋果日報》圖片

黃又南
03年又南父親的印刷工廠生意失敗,欠下 750萬,又南用了 6年時間還清,但就捱到周身傷。

《蘋果日報》圖片

張學友
1993年,張學友哥哥張學智在澳門欠下 500多萬元賭債,被貼大字報後玩失蹤,學友代還 350萬。

《蘋果日報》圖片

李彩華
李父早年生意失敗欠下過 100萬,要初出道的李彩華一個人搵錢還,好在現時內地撈得掂做埋小富婆。

採訪、撰文、攝影:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()