喬妹同姜棟元唔只同一經理人公司,又傳過緋聞,但佢今次來港刻意保持距離,睇嚟對姜生冇興趣喎!

Ads by Google

媽咪姐
宋慧喬做戲做一半
好耐冇見過嘅喬妹(宋慧喬),之前拍完吳宇森嘅《太平輪》,咪以為佢休息緊,其實上周六( 25日)同佢新緋聞男友姜棟元嚟咗香港,為咗新戲《我的忐忑人生》宣傳。媽咪姐咁八卦,梗係落去趁下熱鬧啦!


去到現場,明明慣咗拍一個愛一個嘅喬妹,好似驚咗姜棟元咁,喺台上企咗半個鐘, keep住同姜生保持一個身位距離,冇乜笑容兼係咁摸面,睇個樣似乎有啲唔自然。之後到做電視台訪問,喬妹又要求同記者保持 3米距離。查實為宣傳又好為乜都好,喬妹都同人拍過戲仲傳埋緋聞,為乜忽然咁唔大方呢?做戲要做全套嘛。

第一次嚟香港嘅姜棟元,對粉絲有求必應,抱抱服務當然唔少得。但喬妹連握手,都係粉絲做主動。

有瘋狂粉絲捉實姜棟元唔放,喬妹喺隔籬笑到收唔到聲,好有睇戲 feel。

又有新仔?
喺今年 5月,喬妹同姜棟元去咗法國影宣傳海報,俾網友影到呢張相,就咁又傳緋聞。

前度瀨嘢
曾經同李秉憲(右二)拍過年幾拖嘅喬妹(左二),為避談前男友嘅偷食醜聞,拒做報章、雜誌訪問,只做最唔尖銳嘅電視台專訪。

呢一刻,算係喬妹同姜棟元喺首映最親密嘅接觸,有眼神交流同祝酒㗎!

戲入面嘅喬妹要照顧患病嘅仔之餘又要工作,母愛好偉大。現實中,佢話以前想早啲結婚,反而依家冇諗呢樣嘢。

今年 32歲嘅宋慧喬,同 33歲嘅姜棟元喺戲中同樣扮 17歲,睇喬妹個樣 keep得幾好,仲係好 young,但姜生個樣,正如佢自己講:「扮 17歲好擔心!」

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()