媽咪姐

勇武軒仔完騷京都攤唞

Ads by Google

「佔鐘」話咁快已經成個月,一有時間就去佔領區撐學生嘅媽咪姐都要唞一唞,要走更遠嘅路嘛!上個禮拜,媽咪姐就約咗幾個 friend去睇同樣撐學生嘅張敬軒演唱會。

其實軒仔都講到明只係撐學生,覺得下一代應該有權發聲。但總有啲膠人要搞事,喺微博抹黑佢係港獨分子,但係 the show must go on,軒仔梗冇俾呢啲事影響演出。講番個騷吖,媽咪姐個人意見,佢同嘉賓關淑怡嗰段火辣辣嘅演出,真係睇到人㷫烚烚,超正。睇嚟「哥哥」後繼有人嘞!

摸胸錫肚攬大髀,仲有乜嘢未做?好彩大家都知軒仔唔會搏關淑怡懵啫。

尾場有容祖兒上台合唱〈天窗〉兼咀嘴,佢仲自爆喺軒仔屋企過夜都唔驚,友誼萬歲。

身為「官二代」嘅軒仔俾人抹黑,令身在內地嘅家人困擾,所以佢喺完騷後,宣讀聲明,表明無支持港獨。但講明需要發聲時,都會發聲!

完騷後,軒仔即刻飛咗去京都叉叉電。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()