芷珊姐姐手挽兩大袋,仲有杯咖啡,再加部咖啡機,有啲論盡。

Ads by Google

媽咪姐
黎芷珊心急「挑」機
請人飲咖啡已經唔係陳豪嘅專利喇!呢日媽咪姐見到「最佳女主持」黎芷珊喺 element行街,飲住咖啡幾咁 elegant。不過要出到街先有得飲,唔係幾夠癮之時又有啲麻煩,所以佢就索性買部咖啡機返屋企自己沖。芷珊姐姐要做精明嘅消費者,買機前當然要試過先啦,點知佢一試就試足半個鐘。咁又係嘅,啲機閒閒哋 5、 6千蚊一部,梗係要嗒真啲先拍板啦!


最後芷珊姐姐即場包起部機,連送貨都唔使,自己拎走㖭!芷珊姐姐咁心急,可能係近排除咗主持一晚《東張西望》外,都冇咩特別嘢做,咁得閒,喺屋企「搞」吓機都係唔錯嘅解悶方法。

店員向芷珊姐姐介紹咖啡機,芷珊姐姐咁鍾意飲咖啡,梗係落足眼力揀機啦!

左度右度一輪,終於諗掂可以單手「挑」機。芷珊姐姐真有計。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()