黃翠如上周 33歲生日,老友唐詩詠同佢慶祝生日,仲送自己代理嘅台灣洪瑞珍三文治俾翠如 BB做禮物。加上蕭正楠早前同佢預祝生日, BB開心到要 post自家畫作晒幸福。

Ads by Google

博出位
星級晒漫畫
正所謂「盡在不言中」,不少明星選擇以漫畫講出自己心情。好似黃翠如就趁生日晒幸福,五月天嘅阿信就話明周末最緊要 hea,開騷嘅 Sammi就勉勵自己,而出名搞笑嘅羅志祥就網上發功。


黃翠如 生日大晒
黃翠如大晒唐詩詠送俾自己嘅洪瑞珍三文治,而好耐冇見黃翠如嘅胡定欣就唔多高興,留言話黃翠如淨係掛住食「蕭」肉陪蕭正楠。

阿信 周末 hea爆


五月天不停開騷,身為主音的阿信自然忙個不停。上周末難得冇工作,阿信決定食冬甩、打機同瞓, hea足兩日。
羅志祥 搞笑紋身


鍾意講爛 gag嘅羅志祥,網上繼續發放笑彈,講紋身師傅將客人想紋「一條龍」,紋錯為「十三張」中「一條龍」的笑話。
鄭秀文 做勤力兔


近日忙於為演唱會排舞的 Sammi,為了勉勵自己, post呢幅圖希望自己好似兔仔咁,可以獲得比想像中更多的回報。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()