36歲嘅九把刀(柯景騰),早前被拍到帶住中視女主播周亭羽去汽車旅館開房。可惜兩人偷食唔抹嘴,偷情事件曝光。

Ads by Google

出外埠
九把刀周亭羽鬥「劈」
九把刀背住拍拖 9年嘅插畫家女朋友小內,帶中視女記者周亭羽開房事件曝光後,成為台灣文藝界醜事一樁。其實九把刀「劈腿」已唔係咩新鮮事,因為佢 4年前已經「劈腿」啦,嗰個女仔仲係佢同學嘅女朋友嚟,不過嗰時佢名氣冇咁大,女朋友又忍得先冇爆出嚟啫!今次食髓知味,點知衰到應。佢仲懶承擔咁開記招向女友認錯,前兩日,又刻意同小內拖手行街做騷,但有人眼利,話小內嘅眼神已經冇咗以往嘅溫柔。正常嘅,男友偷食已經冇晒 face,仲要拉自己出嚟做騷,唉!

至於「小三」周亭羽呢,雖然依家喺中視「被停職」,但大家都唔使為佢擔心噃,事關呢位女子都唔係省油嘅燈。近日有人爆料話佢都係「劈友」嚟,由桃園高中劈腿劈到大學,男朋友如走馬燈,最「犀利」係所有男朋友都係喺「好姊妹」手中搶番嚟﹗所以有網友就揶揄周亭羽﹕「沒緊要,掉了九把刀,還有十把刀、十一把刀等着啊﹗」
話時話,九把刀未婚、周亭羽未嫁,撻着本來好正常,衰在九把刀除咗有個拍咗 9年拖嘅女朋友外,佢嘅小說入面男主角都係純情男。所以偷食事件曝光後,好多讀者即大鬧俾佢呃咗咁耐﹕「文字作品再好,都無法彌補人格差嘅事實。」睇嚟九把刀應該拍番套《那些年我劈腿的故事》,先有機會翻生咯!

今年 2月,九把刀已經俾人見到同周亭羽喺女方屋企附近餐廳撐枱腳。

上年,九把刀套戲《十二夜》上畫,兩個就喺電影記招上「撻着」。

九把刀偷食事件後,神隱咗幾日嘅「正宮」小內終於現身。事關早兩日,佢俾九把刀拖住出嚟「遊街示眾」,睇戲、食飯仲要遊公園,以示已獲小內原諒,兩人和好。真係做騷咁做。難怪有網友批評小內「沒性格,是個愛情傻子。」唉、女人……《台灣蘋果日報》圖片

喺今次「劈腿」事件中,最無辜都係呢位中視前主播李佳玲。事關有人誤將佢張相當係周亭羽,難怪佢嬲到話:「躺着也中槍!九把刀是比成龍更糟的男人。」

最叻「搶嘢」
周亭羽雖然同九把刀搭上,但今年 6月,依然喺微博鋪上同男友孟哲浩親密照。事後有人爆料話呢個男友,都係周亭羽開刀「劈」返嚟。嘩,周小姐刀鋒厲害喎!

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()