靚抽王

藍絲帶笑聲救地球

Ads by Google

這邊廂佔中與反佔中分子爭持激烈,那邊廂網絡當然唔會俾佢停,隨咗罵戰不停之外,資訊戰,傳媒戰,各種手法層出不窮。不過呢個世界係唔公平的,醒目又有創意嘅人硬係佔上風,近排黃絲帶嘅佔領運動支持者,出咗一大批玩嘢改圖,利用藍絲帶朋友活剝生吞、拙於求證嘅風格,令到佢哋頻頻出醜……嘻,識笑其實真係幾好笑。


怒罵 Laughing哥
呢個咁嚴肅嘅 moment,都不得不佩服黃絲帶朋友嘅幽默感。話說日前有支持佔領嘅朋友喺獅子山掛咗一幅「我要真普選」嘅旗幟,黃絲帶即刻改圖,用咗 Laughing哥嚟做掛旗「暴徒」。於是,藍絲帶竟然好傻好天真咁當真,足證佢哋其實係一班真心到爆嘅人,不過係 IQ有少少問題啫。咁對呢啲人,係應該寄予同情而唔係欺凌嘅。
以下犯上


另一邊廂,仍然係獅子山掛旗事件,網民將偉大嘅習總擔遮圖 key落去獅子山頂。黃絲帶們咁樣做,相信無非都係玩吓,因為點會有人相信呢幅膠味咁濃嘅改圖,會有人信呢(比例都唔啱……)?結果係點?藍絲帶都係照信不疑,仲話習總係暴徒,哇!你死喇!以下犯上!老頂唔出糧俾你你就知味道!
小心!!一氧化二氫


其實黃絲帶都幾過分,不斷利用人哋嘅無知同天真去進行網絡「欺凌」,不斷踐踏反佔中者嘅智商同埋尊嚴。但無奈嘅係藍絲帶們不假思索、拙於求證嘅弱點,已經表露無遺。好似呢幅「佔中人士用一氧化二氫做武器」圖,就真係完美地 KO嗰班腦囟剛剛生埋嘅藍絲帶星人,你睇啲藍絲帶信到十足十,入晒戲咁口誅筆伐,就好似見到啲原始人咬住部 iPhone,咬到個芒都碎晒都唔知部機唔食得一樣。
呀,唔記得咗解釋咩叫一氧化二氫㖭,咳……咪就係 H2O,即係水囉。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()