名人潮

第一次……

Ads by Google

每個人都有無數第一次,小朋友有、成年人有,社交圈靚太一樣有。上周六( 25日),大劉劉鑾雄女友呂麗君帶埋官二代老友,現身 Pink Ball,首度政治表態,以行動表明反佔中立場;林建岳前妻謝玲玲習舞 14年,第一次為慈善公開表演拉丁舞。活到老學到老,阿太勇於嘗試,日日都過得咁精采。

猛料官二代

上月尾,前特首董建華率領 70富豪見習近平,栗戰書亦有份出席。

呂麗君同行大肚婆為官二代栗潛心,父親為習近平愛將、中共中央政治局委員兼中央辦公廳主任栗戰書。她以港人身份活躍中港兩地,當年有份辦的香港華菁會,特首梁振英亦是該會榮譽贊助人。
呂麗君高調表態
佔領運動殺埋富豪身,早前李嘉誠等四大富豪,被點名批評未有積極響應國家主席習近平號召,表態反佔中。富豪們未敢發聲,一向低調的呂麗君,卻反而以行動表明立場。上周六( 25日),她到君悅出席 Pink Ball(乳癌基金慈善晚宴),人人着粉紅 dress code,她則出動全藍晚裝亮相,更帶埋猛料老友到場,政治立場唔使多講。
梁安琪 轉玩工廈
賭王四太梁安琪,出名投資有道,鍾情買磚頭,手頭上大堆物業。見政府發展東九龍、黃竹坑做新商業區,她原來已經靜靜轉型入工廈。今年七月,她斥 32億入手李嘉誠旗下黃竹坑寫字樓。早前又再出擊,以 4.85億,買入觀塘同得仕大廈。忙成咁,難怪去 ball都話唔記得 dress code。

同得仕大廈位於觀塘偉業街,樓高 13層。
謝玲玲 處女下海
謝玲玲習舞 14年,為香港遺傳性乳癌家族資料庫籌款的她,首次與國際級舞蹈大師 Ina、 Troels上台表演拉丁舞。出場前她帶埋兩位 partner做訪問,相當興奮。「好多太太一學就學表演級,我鍾意喺 studio練紮實技巧。今朝綵排嗰陣個心好緊張,不過一嚟到現場就 OK。」

阿媽首次表演,謝玲玲大女林恬兒拖實老公何正德撐場。「媽咪練咗好耐,練到今年我生日都冇嚟慶祝,因為練到拉親隻手。」
余安安 喪屍籌款
名太愛扮靚,時刻都要執正見人,不過為慈善就另計。上周六( 25日),余安安性感打扮出席澳門喪屍行慈善活動。為了幫「奧比斯」籌款的她,第一次以喪屍造型拍短片宣傅,化大黑眼圈、一頭亂髮,唔講唔知係佢喎!

余安安以 deep V打扮去活動,揸槍示範時,她動作極誇,連後面男仔都被嚇親。
劉嘉玲 罕有被圍
劉嘉玲一向受大牌歡迎,上周四( 23日),她披近 30萬的貂鼠皮草出席 Fendi活動,不過場內就有反皮草人士抗議。雖然首度被圍,但她表現淡定,「等如可以選擇食素,或者選擇食肉,呢啲係自由選擇。」呢啲咪叫經驗囉!

當晚有近十位示威者到場,反對品牌使用皮草用品,當中外籍女士更除剩底衫褲,身上貼滿口號,以示抗議。

撰文:名人組
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()