露股誘惑
兩姊妹換上三點式,坐車到藍灣曬太陽。穿上斗零邊性感泳褲的 Rosemary,兩股盡現,腰部甚粗。

Ads by Google

娛樂喧
斗零邊半股誘惑  Rosemary婚前大解放
情傷過無數次的 Rosemary,原定今年尾與拍拖 4年多的印籍富商男友 Jason註冊結婚,可惜她母親 Julie突然玩失蹤,加上男友意外腳傷,令婚期一拖再拖。
經過多番努力,恨嫁恨出面的 Rosemary終於與男友落實明年初簽紙,二人更計劃年底到馬爾代夫影婚紗相。終於嫁得出,難怪 Rosemary近排異常風騷,早前更約埋好姊妹貝安琪到藍灣曬太陽,大晒 35C上圍及股邊春光,實行婚前最後解放。

快將成為人妻的 Rosemary, 10月 7日孖住好姊妹貝安琪晒最強 body。二人自備白酒和膠杯,先到淺水灣開餐。填飽個肚後,她們立即展現戰鬥格,換上泳衣再揸車到藍灣曬太陽。

跑馬地會合
10月 7日下午三點, Rosemary與貝安琪先在跑馬地會合,二人買完咖啡後, Rosemary就做司機載住貝安琪,向淺水灣出發。

淺水灣開餐
二人抵達淺水灣某茶座開餐,一個薄餅兩份食之外,她們更自備白酒,非常識嘆。

齊齊腿張開
二人到沙灘後,隨便搵一角躺下乾曬,更全程睇手機飲餘下的白酒。

迷你小三角
最後 Rosemary穿回長褸,但風大關係,長褸再被吹開,乍現 35C動盪迷你小三角。

半小時貨仔
大約半小時後,二人曬夠起身執嘢離開。側面睇 Rosemary的泳衣非常性感。
33歲趕結婚生仔

Rosemary與印籍富商男友 Jason拍拖四年,對男友讚到天上有地下無。「佢做任何事都充滿熱誠,識得關心同愛惜身邊人, I love him!」

一向不吝嗇身材的 Rosemary,當日以綠色比堅尼上陣,而且下身相當少布,斗零邊的設計,令她兩片屁股暴露人前。雖然 Rosemary是香港名模,但可能日久失修關係,腰部明顯有肉地,不過勝在 35C激盪上圍搭夠,視覺上比身邊的貝安琪更震撼。
其實 Rosemary今年已經 33歲,她有意婚後封胸,希望盡快生仔做個好媽咪。知情人士說:「佢 14歲入行,行騷都行咗 19年,都行到有啲厭。所以佢識到富商 Jason之後,一直都心急上岸,想快啲有名份,驚拖拖吓要做高齡產婦喎!」
母親失蹤唔傾

Rosemary出道以來,母親 Julie一直當她經理人。 2011年, Rosemary父母離婚, Julie被判賠二千萬俾前夫,於是她到中環示威抗議。
《蘋果日報》圖片

Rosemary一直為婚期鋪路,終說服男友承諾今年大搞,可惜母親 Julie突然玩嘢。知情人士說:「今年 5月原本要訂好晒婚禮細節,但 Julie突然失蹤,搞到所有嘢都 book唔到。 Rosemary足足搵咗四個月先知佢媽咪匿咗喺內地避世。其實 Julie離婚後,情緒大上大落, Rosemary唔想刺激佢,都唔敢提結婚住,至上個月尾先決定地點同時間。」
據知 Rosemary與 Jason將會下年初拉埋天窗,暫定香港及峇里兩邊擺酒。上周四( 23日),她出席活動時就避重就輕說:「其實依家我哋都好忙,佢又唔喺香港,要等佢 11月中返嚟先傾細節,我擔心我做錯決定。日子其實未定,我哋想搞一個熱帶主題嘅婚禮,我為咗婚禮好努力 keep fit,我覺得依家我狀態最好。」
是非名模
雖然 Rosemary出道不久便成名,但她頻頻被拍得煲煙及夜蒲蘭桂坊,加上多年來是非纏身,形象麻麻。不過她勝在夠搏,所以能屹立模界多年。


前度爆偷食
Rosemary 03年與男模 Gordon拍拖半年便極速玩完,事後 Gordon大爆 Rosemary背着他偷食。 Rosemary母親 Julie不甘愛女被唱,反指 Gordon博同情,更有傳他虐打 Rosemary。


遭好友唆擺
之後 Rosemary戀上另一男模 Christopher,兩人離離合合多次。 08年, Christopher忍唔住爆料,指 Rosemary被損友唆擺,才令戀情告終。


涉嫌藏毒
2010年, Rosemary遠赴美國出席流行音樂節睇騷,卻因涉嫌藏毒被捕,之後她揸車撞毀當地地標被政府起訴,黑到無倫。

採訪、撰文:娛樂組
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()