同你吟一吟

許仕仁又買碟

Ads by Google

前政務司司長許仕仁涉收受新地郭氏兄弟賄款案,上個禮拜四(十月二十三日)審訊嚟到第 85日,法官宣布將案件押後至十月二十八日再進行,到時控辯雙方會作結案陳詞。


涉及藉公職作出不當行為等八項控罪,許仕仁依然好輕鬆,上個禮拜四上完庭,下晝三點《壹》仔見佢一個人行銅鑼灣 HMV,主攻日本及外國電影,當時已經買到放滿半個購物籃,但許仕仁未夠喉,不停氹氹圈尋寶。
後來行過見到今年年頭上畫、由 17歲日本女星小芝風花主演嘅《魔女宅急便》真人版出咗 DVD,許仕仁望兩望,放入籃,買!

喺 HMV滿載而歸,不過許仕仁真係好怕凍,無論上庭定 shopping,佢件紅底黑色棉襖,一定跟身。

許仕仁口味都好闊吓,《魔女宅急便》真人版佢都啱,望兩望就放入購物籃。
許仕仁案開審期間,佢承認五年間花咗二百幾萬,碌信用咭買黑膠碟以及音樂劇光碟,仲將屋企三間房打通,用嚟放批珍藏。孭住咁大單官司,許仕仁仲有心情入貨,最離奇係《魔女宅急便》都啱佢老人家口味,真係估佢唔到!

已經放滿半個購物籃,許仕仁仲未夠喉,右手攞住一隻,左手又攞另一隻,之後除低眼鏡睇清楚劇情簡介!


撰文:八珍

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()