邊行邊打 WhatsApp,戴住黑超嘅胡定欣,沿途行路唔帶眼,好在冇撞到人。

Ads by Google

同你吟一吟
胡定欣高危低頭族
智能手機普及,食飯搭車行路去到邊睇到邊,機不離手「低頭族」最大盲點係行路唔帶眼。早幾日《壹》仔响中環撞到胡定欣,戴住黑超,能見度已經差一截,仲要著住三吋暗踭波鞋,一邊行一邊篤手機玩 WhatsApp,沿途冇行差踏錯撞到人,算好彩。


直至要過馬路,胡定欣知危險唔敢再篤,於是改同對方通電話,仲小心到用隻手遮實個口,驚死附近有人聽到。
胡定欣最終目的地係去停車場攞車走人。即係咁,如果真係有急事一定要篤電話,點解唔企定定呢?篤住行好危險㗎,就算唔驚撞到人,自己仆親都唔好啦!尤其係閣下個鼻,咁高咁直,一定唔襟撞。

過馬路,胡定欣終於收手,唔打 WhatsApp改講電話,但佢一直用手掩住電話筒,好秘密。


撰文:八珍

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()