同你吟一吟

陳慧珊教壞個女

Ads by Google

上個禮拜五(十月二十四日)有讀者打去報館報料,話自己响中環 city’ super買麵包期間,因為手上托盤唔小心撞到陳慧珊囡囡個頭,對方雖然講咗兩次對唔住,但河東獅上身嘅陳慧珊,就大大聲鬧人「 idiot」,最終兩個大庭廣眾爆晒粗,至於 7歲囡囡鍾律然,當然乜都聽到晒!


其實陳慧珊同人爆粗之前,《壹》仔見到佢帶住囡囡同外傭响中環馬莎買衫,當佢哋一行三人行出門口期間,正正前面個女人突然失重心「拗柴」,成個人大字形趴咗喺地下,陳慧珊何止扮睇唔到,仲拖住囡囡行快兩步走人,最後由附近幾位好心人,合力扶起跌响地下個女人。
喺個女面前,先係見死不救,繼而爆粗同人鬧交,陳慧珊呢種另類身教,屋企有小朋友嘅家長,記住唔好學!

早排返 CCTVB拍《女人俱樂部》,陳慧珊以讀書同湊女為由唔肯做宣傳,但星期日(二十六日)又肯同成班演員飛大馬雲頂登台,有錢同冇錢的分別。


陳慧珊囡囡鍾律然算幾乖,見媽咪 check衫唔得閒理佢,自己就行去隔籬睇襪,冇四圍走。

雖然個女人跌低,唔關陳慧珊事,但佢完全冇諗住扶起人,反而拖住個女行快兩步走開,對小朋友做咗個壞榜樣。

撰文︰八珍
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()