社交圈

真性情

Ads by Google

喜怒哀樂人皆有之,名人都唔例外,開心、傷心、尷尬,都會在面上真情流露。


梁安琪 大頭蝦
賭王四太梁安琪上週六連踩兩場,早上以主席身份主持保良活動,一嚟就除黑超同肥媽、汪阿姐以及總理陳細潔 show自己隻傷眼(下圖),嚇到個個 O嘴皺眉;夜晚佢著到好 casual去君悅出席 Pink ball,問四太點解唔跟大會的粉紅 dress code?她尷尬說:「唔記得咗,趕唔切。」

謝玲玲 興奮難耐
學了十四年拉丁舞的旅發局主席林建岳前妻謝玲玲,週六晚為遺傳性乳癌家族資料庫,處女下海表演 Ramba籌款,見到記者時,肉緊地拉住兩位跳舞老師分享喜悅,「我同佢哋練咗半年,今朝心情都幾緊張,多年來仔女都未見過我跳,因為做善事先表演。」媽媽首次表演,愛女林恬兒就孖住新婚老公、星島集團何柱國兒子何正德嚟捧場(圖)。

汪詩詩  high到舉手
啱啱做咗老豆一個月嘅玩具大王兒子蔡加讚,佢隻馬「車神」本週日初次下場,太太汪圓圓雖然未收身都要嚟捧場;而當丈夫隻愛駒跑入直路時,佢一路唸唸有辭,雙手合十,家姐汪詩詩仲 high到舉晒手做啦啦隊,可惜「車神」仍然三甲不入。

蔡加讚(左三)孖住太太汪圓圓(右三),以及阿媽、家姐(右二、一),汪詩詩及甄子丹捧「車神」場。

撰文、攝影:名人組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()