陪 CoCo
上週一(十月二十日),向佐在司機接載下,同 CoCo去九龍城買生果。

Ads by Google

探熱針
分流拍拖 拖北妹 餵𡃁模 向佐輪住食
在社交網站貼黃絲帶撐佔中,之後又轉軚跟阿媽支持反佔中的向佐,政向左搖右擺,貫徹作風,揀女友都一樣,撻着西安女演員王秋紫,又搭上有米𡃁模袁聖殷( CoCo)。
揸唔定主意揀邊個,索性左右逢源!向佐安排好時間表,一日一個,爽! 

踏兩船時間表

冧王秋紫
日前敷住面膜的向佐與王秋紫(中)去圓方拍拖,身旁還有一個女友人。

年初與黃婉佩( Race)再度分手後,其間一度飛到北京讀戲劇的向佐,與來自西安的演員王秋紫撻着,更在社交網上公開感情狀況,「與王秋紫穩定交往中」。派完定心丸,但轉個頭,向佐已搭上大孖周志文舊愛、有米𡃁模 CoCo。
要一腳踏兩船,向佐自有一套規律,總之一日一個,就算最近王秋紫留港人盯人,向佐也不是日日交人,時間平均分,輪流氹!還有,拍拖範圍亦分晒區,跟王秋紫在圓方行街睇戲,同 CoCo就到銅鑼灣食甜品、掃生果,港九分流,保證不會火星撞地球。
群星拱照做男一
「王秋紫雖然結過婚,又鍾意黐啲富二代,不過向佐好冧佢,佢嚟親香港,都係食住買全包;王秋紫每次都指定向佐去老字號買中藥俾佢進補,又好似 Race咁,鍾意叫男友買名牌。至於 CoCo因為同向佐跟伍允龍學功夫,大家上完堂經常約埋食飯,食食吓就撻着,加上同大孖(周志文)感情淡咗,咪索性分手囉。向佐兩頭瞞,所以 CoCo同王秋紫都以為自己係正印。」知情者說。
早前向佐跟王秋紫在圓方拍拖斷正,驚爆劈腿惹 CoCo不滿的他即撐:「同佢(王秋紫)只係朋友,我以事業為重。」
拍拖多過拍戲的向佐稍後將會夥拍李連杰、古天樂、黃曉明、梁家輝、舒淇等紅星,演出中國星投資的一六年賀歲電影《封神榜》,片中飾演雷震子一角,佔戲極重,父母有心栽培,群星拱照向佐,無論王秋紫定 CoCo,想做小向太,唔使諗!

向佐早前在 Instagram貼黃絲帶撐佔中,之後轉軚同阿媽齊齊反佔中,一時一樣。

向佐孖 CoCo去銅鑼灣食甜品,束起頭髮的 CoCo驟眼看好似 Race和王秋紫混合體,向佐口味統一。

冧完 CoCo,向佐陪王秋紫睇戲補數。

新歡得寵,上週三(十月二十二日)再同 CoCo去行街。

同 Race再度分手後,向佐在大陸認識了王秋紫,不愁寂寞。

向佐自言專心學功夫五年,非常重視明年擔正電影《封神榜》。
常餐特餐撞樣


跟前度 Race分手後,食女經驗豐富的向佐終於摸清口味:瘦削、大眼、高鼻及面尖最啱嗒,左右逢源於中港兩地女友,王秋紫和 CoCo撞樣撞到難分難解,要靠唔同顏色頭髮,分辨常餐定特餐。

撰文、攝影:娛樂組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()