踎地拆道具
凌晨皇室堡無乜遊客,要布置個場的黃芷晴,攞住鉸剪拆道具,粗重功夫落手做。

Ads by Google

探熱針
撈多瓣 搞布置 黃芷晴商場做苦工
不獲發免費電視牌,港視轉做網台,下月正式開台,更踩正「 CCTVB」台慶日對撼,明剃眼眉。身為旗下藝人的黃日華愛女黃芷晴,在等候公司發圍的同時,搵多條路俾自己揀。凌晨時分,黃芷晴於銅鑼灣大型商場做場地布置,擒高擒低,撈多瓣。 


幫小丸子換衫
前景未明,不少港視藝人都要做兼職搵收入。讀設計出身的黃芷晴一樣,兼職做商場布置。
「其實芷晴一直都有興趣做有關設計嘅嘢,不過父母就唔係咁贊成,怕分散專注力,影響幕前工作。但芷晴好叻,一開始就接到大 project,幫商場搞小丸子展覽,由服裝到布置,都一手包辦。之前佢特登上咗惠州,睇吓啲公仔製作進度,樣樣跟到足。今次佢仲要幫小丸子搞新造型,所有設計都要 send俾作者(櫻桃子)過目,前後應該修改咗七、八次對方先收貨。」知情人說。
上週六(十月二十五日)凌晨十二點半,位於銅鑼灣的皇室堡商場店鋪已經全關,黃芷晴偕兩女一男同事在商場大堂內,幫十呎高的小丸子公仔換衫及轉景。
著住連身白裙仔的黃芷晴,一腳踩上高台幫小丸子變身,之後又踎在地上拆貨,樣樣親力親為。對比出席活動行行企企著靚衫影吓相,呢份兼職要擒高踎低,又要捱夜,辛苦得多。

著住短裙仔,黃芷晴照樣擒上個台,幫十呎高的小丸子換衫轉 look。

她設計的道具企鵝因為太重,最後要搵商場保安幫拖抬上台。

黃日華好緊張愛女事業,芷晴簽港視初期,經常父女檔現身,助她人氣。
做慣粗重嘢
搞到凌晨兩點,差不多完得工,對於身兼兩職,黃芷晴否認是擔心港視前景。「唔係,我本身都做開服飾設計,呢個商場展覽係我最大嘅 project,除咗設計場景,小丸子戴住嗰條頸鏈仲係我親手造,我媽咪都有幫手,十足親子活動。」
撈多瓣,仲要搬搬抬抬,黃日華和梁潔華確曾一度反對。
「爹哋媽咪初時都唔贊成,佢哋想我分清楚,究竟邊一樣係正職,但見我做得咁積極就冇再阻止。其實比我預期中冇咁辛苦,可能大學嗰陣已經成日做道具,做慣粗重嘢!雖然我其中一個身份係藝人,但日後我會繼續雙線發展。」黃芷晴說。

媽咪撐場
在黃芷晴的 fb發現,病情好轉的母親梁潔華於日前到商場撐愛女作品。

兼職做商場布置設計前,黃芷晴已經邊做藝人邊在網上賣自家的設計物品。父親節她又設計公事包送俾父親。


港視三小花,黃芷晴及黃美棋仍然留低,姜麗文則約滿離開。

港視藝人李雨陽,年初亦為搵出路,兼職賣雞。
新手價

早前她到惠州監工道具製作,幫小丸子的花輪同學畫上五官。

大型商場為刺激人流,會定期舉辦不同類型展覽活動吸客,商場場景布置設計競爭激烈,據業內人士稱,如黃芷晴這類新手,設計連布置的全包套餐價,收費超過十萬,若經驗豐富的龍頭公司,叫價隨時高出一倍。

撰文、攝影:娛樂組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()