貼圖區

古仔仔仔輪住溝 杜 Sir教千嬅趴地

Ads by Google

杜 Sir杜琪峯出名拍戲嚴謹,今次喺《單身男女 2》就加入新血楊千嬅同仔仔周渝民, 3男 2女新組合。故事發展到第二集,古仔繼續做花花公子周圍撩女,仲同仔仔同時𥄫中做女股神嘅千嬅,兩男車輪轉搶住溝。
緊接上集「隔空示愛」嘅橋段,今集千嬅喺寫字樓用燈飾砌字冧對面大廈的古仔,呢幕杜 Sir仲親自落場示範,教千嬅最標準嘅趴地姿勢。杜 Sir咁落力,千嬅都畀足心機望到實,一啲都唔敢 hea㗎!


平時見杜 Sir教戲就見得多,不過親自趴地示範真係少見,所以千嬅眼都唔眨𥄫到實,話晒學到幾多都係自己嘅!#杜 sir#親身示範


古仔同仔仔同時𥄫中千嬅,不過千嬅望住古仔呢個冧樣,就知道揀咗邊個啦!#古仔#男神


仔仔喺戲入面做千嬅嘅下屬,所以就算鐘意千嬅都唔敢明戀得太過張揚,同女神食飯談心,仔仔已經好滿足。#仔仔#新加入#暗戀


仔仔戲中好多古靈精怪表情動作, 33歲仔仔扮 cute一樣冇難度!
原本古仔同千嬅係一對,不過古仔竟然喺吳彥祖同高圓圓嘅婚禮搶新娘,究竟最後邊個同邊個先係一對呢?#單身 2#大兜亂



第一集《單身男女》中,吳彥祖孭重飛,同古仔明爭暗鬥爭高圓圓,最後仲贏得美人歸,但《單 2》就快閃做串星,只得幾幕戲!


千嬅想砌燈飾冧對面樓嘅古仔,不過就搵咗下屬高圓圓幫手,兩個雞手鴨腳,搞到電線短路,爭啲電親添呀!

採訪、撰文:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()