全知言

哈囉喂,嚇鬼呀!

Ads by Google

萬聖節就到,呢個時候梗係要睇套恐怖片應下節啦!嫌呢排冇正嘢?唔怕,經典可以重溫啫!
要數經典鬼片,一定唔少得《午夜凶鈴》、《閃靈》呢堆恐怖片王!全知言今期訪問幾位女星,嚴選邊套最靠嚇!估唔到未睇過鬼戲嘅萬寧妹妹,竟然話睇廣告都嚇親!究竟咩廣告咁巴閉,可以嚇親一個 6歲小妹妹呢?

 

Mandy Liu 最怕小丑

《 It》

「我細個睇過一齣 Stephen King嘅《 It》,我覺得好驚,之後見親小丑都想喊!齣戲係講一個小丑去殺小朋友,我睇完之後,到𠵱家都唔鍾意小丑!」
糖妹 《閃靈》心寒
「最深刻嘅鬼片一定係《閃靈》!有一幕喺《功夫》入面都見過,火雲邪神一打開度門就全部都係血湧埋嚟!你睇我睇埋啲咁經典嘅鬼片就知我有深度啦!另外睇完《貞子》之後,每日都要用棉胎包住個人先敢瞓,如果見到電視冇開就要即刻開番,唔係就會驚到做唔到功課!」

《閃靈》
Jeana 支持港產
「我睇過最深刻嘅鬼片係《熱血青年》,有周麗淇,入面有隻鬼個 con係全白色,中間有粒黑點,你會睇到好心寒!細個睇鬼片會驚好耐,去廁所或者一個人喺屋企都會疑神疑鬼,但大個咗會 enjoy睇嗰個 moment。睇完鬼片會特登睇番溫情片或笑片舒緩番,如果唔係,我一個人住都會幾驚!」

《熱血青年》
方健儀 《凶兆》至驚
「我好驚睇鬼片,我唯一一段鬼片記憶就係《凶兆》,睇過一套,就足以令我以後都唔敢再睇。套戲情節其實我唔記得,但最深印象就係主角額頭嘅 666,我嗰陣時會諗,額頭有三個 6字就係魔鬼之子,係咁照鏡搵自己個頭有冇,仲會傻到諗係中國數目定阿拉伯數字添!」

《凶兆》
萬寧妹妹 最怕龍婆
「呀!羅蘭姨姨呀!哈囉喂全日祭!跟住我好驚,係咪真係有鬼㗎?鬼呀鬼呀鬼呀鬼呀!」

《哈囉喂全日祭》
街坊:貞子真心驚!


鍾小姐:「貞子!真心驚係佢喺電視爬出嚟同電話響嗰幕,反而後續就唔驚!嗰陣係我公司冇晒人自己睇,睇完都驚咗好耐,無端端電話響真係好深刻!」


陳生:「《娃鬼回魂》第一集!最有印象係個娃娃拎住把刀追住個男主角。我十幾歲睇,睇完都對洋娃娃有少少抗拒!」


Isabelle:「《閃靈》迷宮追出嚟嗰幕!睇完會瞓唔着,因為真係做得好恐怖!」
知無不言 言無不盡 我係全知言

即時報料
有料、有相、有片即刻 send嚟啦!
熱線 9222 0828
電郵 facenews@nextmedia.com
facebook: facemagazine inbox
LINE、 we chat id: facemagazine

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()