「蜘蛛仔」之一 Andreas二十出頭,本身從事零售業,在獅子山掛上「我要真普選」後才知可能要受刑責,所以用蜘蛛俠造型發言。《蘋果日報》圖片

爆 Like王

最緊要 banner四圍掛 蜘蛛仔:唔需要記住座山

Ads by Google

雨傘運動遍地開花,但點都估唔到有人會忽然佔領獅子山!
我們熟悉的獅子山,上週四( 23日)突然出現 26米長「我要真普選」大直幡,簡單直接的訴求,頓時振奮人心、 facebook等各大社交網站被瞬間洗版。
攀山掛幡的是 14個自稱「香港蜘蛛仔」的熱血港人,雖然直幡只掛了一日便被漁護署拆除,但「蜘蛛仔」主腦之一 Andreas說:「唔需要記住座山或我哋,將理念傳開去就夠!」

F:你哋認為「獅子山精神」同真普選有乜關係?

掛幡當日大風又潮濕, 14隻「蜘蛛仔」將幡布固定在攀山人士留在石隙的金屬扣上,整個過程沒有破壞自然環境。《蘋果日報》圖片

A:獅子山嘅精神係好切合,上一輩成日吹噓呢種精神,以為靠拼搏就搵到兩餐,其實已唔適合𠵱家,𠵱家獅子山精神應該變一變,變成自由嘅精神,揀呢度係不二之選!眼見集會地方被人拆嘢、清場、警察做啲唔好嘅行動,令我哋想做一啲嘢;加上見到佔領區有好多高質素嘅人,佢哋各展所長,整藝術品呀、教人摺紙傘呀、甚至洗廁所……我哋係一班攀山愛好者,可以用自己所長去做啲嘢。
F:有冇諗過用其他口號?
A:我哋最大嘅爭拗就係應該用邊句口號,有人想用啲爆啲嘅,想挖苦吓梁振英嘅,但係搞咁大壇嘢最後只係將梁振英送上山?實在浪費。「我要真普選」係最原本最直接嘅初衷,結果造咗幅 8米乘 26米嘅大直幡。造之前上山目測過,計番咁上下,幅布太大冇位拉開,所以用投影機將字體射上塊布,再用筆勾啲字出嚟,逐個字上色,都做咗兩日,成件事冇外國資金,未計使咗幾錢,會大家夾番。

獅子山巨幡一日就被拆走,城大創意媒體學院的學生即自製同款標語,懸掛學校大樓外牆,最初被保安阻撓,其後終成功掛上。網上圖片

週一( 27日)繼城大和科大後,連港大都掛上「我要真普選」直幡。網上圖片
F:點解唔露面?家人知道你哋做呢件事嗎?
A:唔露面唔用真名,因為唔想令自己或者其他人有不必要嘅麻煩,我哋只想用平和嘅手法表達訴求啫。屋企人唔支持佔中,所以呢個月嚟都係返屋企食飯飲湯,少說話;當然朋友就撐嘅,玩開攀石嘅朋友知我係邊個。

香港人發揮創意,模仿獅子山掛幡布將標語 key圖,連月球都要爭取真普選。網上圖片

網上圖片
F:直幡一日就被拆走,你哋介唔介意?
A:拆咗唔會太失望嘅,大家唔需要記住座山或者我哋,將理念傳開去就夠!對啲惡搞圖我哋持開放態度,我哋都係普通人,民主運動更重要係遍地開花,將理念傳開去更加好,而且都幾有趣吖,只要係正面就得啦,成件事感動到人又感動到自己。

網上圖片

網上圖片

網上圖片

網上圖片

F:《 FACE》
A: Andreas

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()