《殺神 John Wick》奇洛身兼演員及監製兩職,今次跟奇洛合作的工作人員,尤其編劇 Derek Kolstad都大讚奇洛好勤力,而且好親切,對每一個工作人員好照顧,完全冇大明星架子。不過 Derek就話奇洛唯一缺點係孤寒,未試過請劇組人員食嘢。

西區

揸番支槍 奇洛喪減 30磅振雄風

Ads by Google

荷里活型男奇洛李維斯( Keanu Reeves)好耐冇「揸槍搵食」,不過最近終於回歸拍動作片,於本週四( 30日)上畫的新戲《殺神 John Wick》( John Wick)中,奇洛將飾演殺手再揸槍射餐飽。
同畢佬一樣 50歲的奇洛,近年走粗獷路線,經常不修邊福,最慘係做埋票房毒藥,上一套《浪魂 47》,票房只收 5,100萬美元。為一洗頹勢,奇洛決定食老本拍番現代動作片,新戲《殺神 John Wick》所有動作堅持親身上陣,拍攝前自動波減足 30磅,肚腩消失,自信返晒嚟!

 

《殺神 John Wick》
上映日期: 10月 30日

《殺》片講述奇洛飾演過氣職業殺手 John,因愛妻及愛犬離世,為幫家人報仇,決定重出江湖再揸槍火拼。

戲中奇洛上演多場被黑幫虐打及反抗場面,據知為演得迫真,奇洛主動叫對手真打,果然好專業。
1.上年奇洛肥腫難分,點操 fit副 body拍《殺神 John Wick》呀?
《殺》片去年 12月開拍,奇洛除了擔任演員更兼任監製一職,考慮到戲中勁多打鬥動作戲,所以開拍前奇洛自動波減磅,花 4個月時間操 fit自己。除一星期 5日,每日做足 8小時運動外,還學習柔道及巴西柔術,卒之開鏡前由 190磅減到 160磅,體能同身型都 fit爆。

去年 5月出席康城影展時,奇洛不修篇幅,加上身形暴脹,搞到肥腫難分,男神形象幻滅。

難得為套戲積極操 fit自己,最後減去 30磅肥肉,所以奇洛亦有半裸出鏡,晒修身成果。

片中所有搏殺戲,奇洛堅持親身上陣演出,當然有機會受傷,但奇洛試過被打到額頭流血,依然繼續拍,唔怕死。

2.奇洛堅持每場戲都親身上陣,有冇發生意外?
由於奇洛不想用跳接及長鏡來遮掩替身的穿崩鏡頭,所以今次親身上陣上演每場動作戲,拍攝時便可利用一鏡到尾的拍攝手法。但試過有次奇洛上演打鬥戲時,不慎被硬物擊中頭受傷,但為咗不阻礙拍攝進度,奇洛死頂到拍完該場戲為止先去睇醫生。


3.奇洛做殺手,但點解去到邊都着西裝?
《殺神 John Wick》中,奇洛留長髮、留鬍鬚,又着西裝,呢身造型其實係電影公司精心設計,目的係想奇洛搣甩《 22世紀》經典造型,還有戲中角色冷血殘酷,但只要觀眾見到奇洛個西裝 look咁鬼型,唔多唔少都對他有好感。
奇洛平時唔多注重形象,求其着對爛波鞋就可以出街,但今次演殺手,電影公司專誠搵專家幫佢設計形象,而片中所穿的西裝全部用一些光滑布料來做,令佢睇起上嚟更潮更型。
奇洛有份拍新 Marvel
漫畫英雄片《 Dr. Strange》?
4.奇洛有份拍新 Marvel漫畫英雄片《 Dr. Strange》?
Marvel英雄 Dr. Strange即將跳上大銀幕,明年將開拍電影版。電影公司現正選角演出 Dr.Strange,暫時人選有哥連法路、賴恩高士寧及奇洛等,由於奇洛的外型最似 Dr.Strange,所以被一眾 fans選為最適合人選。不過佢話由於不熟悉這人物,所以仍未知自己會否被選中。
羅拔唐尼、基斯咸士禾夫等演員,做咗 Marvel英雄鐵甲奇俠及雷神後即大紅,如奇洛真係落實演《 Dr.Strange》,肯定會再將佢嘅事業推上高峰。


撰文:何家文

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()