韓國 JTBC電視台製作的真人騷《我去上學啦》,搵咗 8名已經離開校園多年的偶像及藝人重返校園,於高中做插班生,與學生建立友誼,當中有喜亦有悲,有如帶觀眾返回那些年。

韓飯台

重返那些年 韓國偶像着校服上學啦

Ads by Google

近年韓國唔只韓劇 hit,連綜藝節目一樣在東南亞各地遍地開花。事關韓國各大電視台諗頭多,尤其一堆真人騷節目,玩結婚有《我們結婚了》,玩親子情又有《爸爸去那兒》,最近爆起就係玩到返學校的《我去上學啦》。
由韓國 JTBC電視台製作的《我去上學啦》,直擊一班由 20歲至 47歲的偶像如 2AM趙權、 4MINUTE成員嘉允及綠葉王成東日等,齊齊着校服上堂實況,除令人勾起唔少那些年的校園回憶,最重要係笑中有淚嘛。


《我去上學啦》的觀眾年齡屬由 10歲至 50歲,大受觀眾歡迎,由 7月開播至最高收視高達 4.12%,對收費電視來說,成績算是不錯。

要刺激收視,當然唔少得搵偶像明星撐場。今年 24歲嘅 4MINUTE隊員嘉允,唔着性感舞衣,換上校服扮清純學生妹,一樣咁吸引。
1.點解要玩到返學校呢?

25歲嘅 2AM隊長趙權,是中途加入的學生。一向擅於搞笑的趙權,主要做笑彈引觀眾發笑。

今年韓國真人騷節目特別流行,玩藝人住埋橋有《 Roommate》,搵女藝人去當兵做噱頭又有《真正的男人—女軍特輯》,所以 JTBC諗橋都諗到頭都爆,卒之經半年時間諗到搵班偶像同藝人,一齊重返校園扮學生的節目《我去上學啦》吸引觀眾捧場,而《我去上學啦》還有一個使命,是想透過藝人以成人身份去洞察學生心理增進互相溝通,探討不同時代的代溝問題,背後原來好有教育意義。
2.點解綠葉王成東日喊晒口?
《我去上學啦》除不少搞笑場面,還有感動位,好似最近演過《沒關係,是愛情啊!》的綠葉王成東日,就以 47歲高齡回歸校園,唔好睇佢平時粗聲粗氣,其實好眼淺,節目中他去首間高中上咗一星期堂,原本跟年紀細他 30年的同學仔相處得好開心,可惜離開時依依不捨,最後於鏡頭前忍唔住流下男兒淚,搞到成班男學生喊埋一份。

節目笑中有淚, 47歲綠葉王跟一班同學相處一週後,離開時竟不捨得。見同學喊,自己都忍唔住流下男兒淚。

3.有藝人喺節目內自爆月入只得 360港元?
係呀,今次《我》節目請咗 YG Entertainment今年有意力捧的新晉男模南柱赫加入做學生,雖然南柱赫集集有份出鏡,但他在節目中自爆,自己每個月收入只得 5萬韓圜(約 360港元),在韓國做藝人,真係表面風光,因為經理人公司多數食水深。
早前男模南柱赫演出 YG新組合 AKMU大熱歌〈 Give Love〉 MV男主角(左下圖)而爆紅。雖然有傳 YG有意力捧他,但他於節目自爆現時自己月入只有 5萬韓圜(約 360港元),真係少得可憐。

4.節目捧紅咗日韓混血兒滑川康男喎?

康男(紅圈)所屬的 4人男團 M.I.B, 3年前出道,但至今未有代表作,組合仍停留於三線位置。

每個真人騷都有藝人跑出,今次《我去上學啦》就由日韓混血兒滑川康男彈起,現年已 28歲的康男其實是三線男子組合 M.I.B成員,染金毛的康男中途加入插班,還參加外語班的日文堂。所以節目中經常大晒流利日語,唔少韓妹大讚他有型又可愛。

撰文:何家文

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()