辛苦推車
朱千雪要騎綿羊仔駛到徐子珊身邊,後面有幕後大隻佬人員幫手推車,連引擎都唔使開。

Ads by Google

真面目
女車手 單車鬥鐵馬 千雪請槍 膠面子珊 hea踩
大台係咪真係冇晒人用?唔使問啦,你睇之前台慶亮燈人丁單薄就知。𠵱家晚晚《再戰明天》睇見徐子珊、朱千雪,話咁快兩人又「重聚」,拍緊嘅新劇《以和為貴》,又係佢兩個囉!
早前套劇喺何文田拍外景,膠面子珊原來唔識踩單車,朱千雪冇牌又要揸電單車喎!點算?咪用替身囉!真係唔夠人到咁?做死班替身咋盞!

 

子珊唔多識踩單車,索性單腳落地 hea踩,梗係啦,受咗傷上唔到台攞視后點算呀?但最好解決咗膠面問題先啦。

最近經常俾人笑膠面嘅徐子珊,喺新劇《以和為貴》內同朱千雪演兩姊妹,早前喺何文田拍外景,劇情需要子珊踩單車,朱千雪就騎鐵馬,但兩個呆晒明顯唔識。
徐子珊踩幾腳已幾乎失平衡,要單腳落地救命,最後當然要 hea住踩。朱千雪仲弊,冇電單車牌只好請槍用替身囉,影大頭嗰陣就要靠大隻佬扶實車尾至掂!希望正式出街嗰陣,唔好穿崩啦!
女替身


劇組請咗女替身拍揸電單車戲,朱千雪成場戲只需舒舒服服影大頭。
零交流
替身拍攝時,朱千雪企埋徐子珊旁邊,但子珊冇乜理佢,只顧同其他工作人員傾偈,搞到千雪 BB冇人理,勁老尷!


採訪、撰文:娛樂組
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()