長長頭髮的荷蘭籍演員 Roy,有冇少年王敏德 feel先?他演出的精神科醫生一角,片中與雲翔的愛將香子俊,有多場男男激情戲。

真面目
重口味 雲翔氹拍基片  49歲王敏德:未接受到

Ads by Google

拍親都係攣戲、必有大量裸男,好多基粉嘅導演雲翔又有新作!年初在台灣藝術院線先行公映,又獲得「第四十九屆芝加哥國際電影節」藝術成就獎,《遊》下月 9日基到香港。
一見雲翔就諗起彭罡原(前名彭冠期),奇就奇在雲翔今次睇中 49歲型佬王敏德,親自面試斟演雙性戀角色。可惜唔係人人肯脫,王敏德當面婉拒:「未接受到全裸!」

 

雲翔第五套執導作品《遊》(前名《同流合污》),去年中曾經在香港舉行演員公開招募。一向題材都係以男男為主,公開招募最大突破莫過於男女通殺,原來最終定名為《遊》的電影以多個故事組成,探討五個早夭者人生最後遊歷。

該中年教授角色需要全裸,亦有多場分別男男及男女情慾戲,王敏德拒露後,據知劇本亦作出修改,變了年輕精神科醫生的故事,最後由荷蘭演員 Ryo頂上。

馬詩慧就話唔係好識得邊個係雲翔,仲話老公接戲一向有底線喎!

戲齡 30年,王敏德最大膽作品是 93年的《危情》,不過大膽的其實係對手陳雅倫。
親身赴約
雖則有公開招募,其實雲翔承認一早有心目中的演員名單,除了林保怡前好友彭罡原、香子俊、邵音音外,據悉戲中一個雙性戀中年教授角色,本來屬意由王敏德演出,雲翔亦都成功約得對方現身面談。
按慣例,雲翔面試,通常都要在酒店或辦公室等私場脫清光,好在 49歲一早結婚仔大女大的王敏德,有得免役。 21年前亦拍過三級片《危情》的王敏德,據知當場就拒絕接拍,原因是自己未接受到全裸喎!
週一記者致電王敏德,他稱忙於開會,妻子馬詩慧則樂意在電話回應:「雲翔?我唔係好識佢。兩公婆都唔需要交待每一件事,佢(王敏德)既然拒絕咗,即係有佢底線啦。我哋冇傾過咩拍得、咩唔拍得,始終大家知道自己工作範圍同 limit,我唔會質疑佢決定,亦都唔會左右佢決定。」剝衫,留番班後生啦!

《遊》另一焦點則是朱曉暉, 12年亞洲先生選舉出身的朱曉暉一當選即被指疑似同志,更被指和陳冠希父親陳澤民關係密切。

 

雲翔御用男主角彭罡原再次全裸演出,飾演文革時期內蒙牧羊少年。

唔使拍裸戲,音音姐因此一早落實演出,不過拍攝場地最多試過對住十三個裸體男女,音音姐都話面都紅晒!

年初《遊》率先在台灣藝術電影院線上映,彭罡原(左一)同雲翔孖住宣傳。
新歡擔正
去年演員招募最終冇演員入選,不過導演因此結識國內男模賀飛。雖然全片一個鏡頭都冇演出,但賀飛擔正《遊》電影海報,及全裸拍攝《遊》寫真。又係大隻仔、又係唔怕除,有潛質做雲翔新愛將。

外形十足怕醜仔,賀飛其實聽話聽教,在寫真內除咗騷肌,亦不乏露械鏡頭。


為《遊》拍攝的特刊變咗賀飛個人表演,由封面至內頁,反而不見彭罡原。

賀飛經模特兒經理人介紹參加《遊》試鏡,同導演雲翔一拍即合,備受重用。

採訪、撰文:娛樂組
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()