醜女烏笄
明明係索卻要扮醜女烏笄,佢就話:「我靚咗咁耐,冇所謂啦!」果然睇得開。網上圖片

真面目 吳沚默
揸筆發聲 扮醜女搶戲 《老表》索編劇食字撐佔中

Ads by Google

大台新劇《老表你好 hea》播咗一星期,最搶唔係只得王祖藍同郭晉安,眾所周知一班騎呢綠葉先係全劇精華。
其中飾演醜樣骨妹的烏笄(音:雞)亦好搶鏡,其實烏笄真身吳沚默( MoMo)本身係靚女,仲係《老表》編劇之一。但重點係吳沚默原來好熱血,喺微博多次發表撐佔中言論,不過為免被河蟹,就玩到食字呢招喎!揸筆搵食果然有啲諗頭!

 

在內地出世,後來到浸會大學讀電影的吳沚默,今年 24歲女,有樣有智慧,上月尾佔中學運發生之後,吳沚默已不停在微博發表撐學生語論,例如直言「蛋可以變成雞,跳過高牆」,借〈光輝歲月〉歌詞發聲,又刻意錯別字避過河解,寫過:「公民抗命不是港讀(獨)!」

編劇吳沚默
今年 24歲,走文青氣質 feel的吳沚默,做編劇又讀過訓練班,仲自稱「我乜嘢角色都可以做㗎!」真係好愛做戲。網上圖片

上集被祖藍睇中幫手編劇,今次仲演出埋,愈撈愈多瓣!網上圖片
「我都靚咗咁耐!」

MoMo現正忙於拍馬德鐘嗰套《以和為貴》,唔使扮醜順眼好多。網上圖片

成功在強國人為主的平台為佔中發聲,吳沚默上週六( 25日)在電話中表示,「其實我係專登寫錯嘅,有時最緊要係個訊息表達到,啲人又睇得明啫,我啲文章又冇乜俾人河蟹到喎!可能少人睇啩!」
佔中雖然多市民關心,不過大台職員敢發表意見嘅少之又少,對於自己在大台屬於敢言少數,吳沚默則說:「唔算,梁嘉琪都有寫啦,其實公司冇叫過我哋唔好寫,我最近冇再寫係因為個局勢發展到今日,我已經唔係好了解,所以暫時唔再發表啫,冇人叫過我唔好寫!」難得在片中扮醜引人留意,吳沚默說:「我都靚咗咁耐啦,醜吓都冇所謂,我乜角色都可以做㗎!大陸冇封殺我喎,仲寫緊大陸劇本添。」
偷渡微博有計

寫錯字
微博識搵敏感字眼刪除,吳沚默就專登寫錯個「港獨」做「港讀」,獨立變「讀立」,成功避過審查!

抄歌詞
唔想寫大多感想,借 Beyond嘅歌詞一樣過到骨。

講大學
放一張大學生集會相而唔講內容,只說「這一次,不丟臉。」你懂的!網上圖片

靠轉發
吳沚默仲有轉發梁嘉琪的微博,只是說「我見過最美麗的裝置藝術!」又過一關!網上圖片

漫畫化
文字易審查,圖畫相對易過關,成張圖都冇佔中,不過一睇就明晒!網上圖片
最期待的畫面出現了
《老表》情節在大台入面算破格,除咗已經出街嘅張繼聰震波猜枚外,仲有好多畫面網友都好等睇!
超重口味

網上圖片

今次《老表》事先張揚有阿 Bob硬咀小寶,呢幕唔只重口味,連體重都超磅,事後有指阿 Bob私自加咀戲。
女神初現

網上圖片

謝安琪今次有份客串,張繼聰仲要爆句:「佢老公正一廢柴!」玩埋自己,聽講呢幕喺第 17集先出現。
震波猜枚

網上圖片

在劇中做軟飯王的張繼聰,同另一港男大隻佬 Rocky,玩震波猜枚,即被網友廣傳。
惡搞殭屍

網上圖片

劇情講到郭晉安再遇萬綺雯,畫面即時回帶講二人當年一齊做舞台劇《殭屍和我有個誤會》外,仲搵埋當年原唱者蔣嘉瑩開腔,亞視劇都敢玩,算大方啦!

採訪、撰文:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()