其中一幕, Shiga瞓喺 June大脾上,不過最搶眼當然係 Shiga一對 42吋長腿,高登仔最愛。

真面目
享仔福 勁晒長腿 連詩雅包 6呎台仔伴遊

Ads by Google

近年個個追韓劇,但連詩雅 Shiga就鍾情台仔,年初特登飛到台灣拍 MV,同 6呎台模 June又攬又鍚;今個月又再全包宴請 June來港拍新歌〈水星逆行〉 MV。
難得再遇 6呎猛男, Shiga出動招牌 42吋長腿, June仲乘機向 Shiga「抄牌」添!三日兩日香港之旅, Shiga有冇盡地主之誼先?

其他影片
即場「抄牌」 連詩雅冧爆台模
唱片公司十分重視 Shiga新歌〈水星逆行〉,專登搵黃偉文填詞,之後再包食包住包機票,搵番上次〈只要和你在一起〉 MV的台灣男模 June(好似係 Shiga點名要求㗎囉!), Shiga仲熱褲上陣,大騷 42吋長腿。

Shiga話自己鍾情高大型男,上次被拍得與圈外緋聞男友夜蒲(右圖),兩個同屬 6呎高型男。

《蘋果日報》圖片
超冧高帥男模
新歌延續〈只要和你在一起〉故事, Shiga做番自己扮演歌手,同飾演地下樂隊主音的 June分手時, June竟然用星斗命理作為分手的理由。第二次合作,兩人明顯演得更放, Shiga吊帶谷胸加熱褲上陣,一開始就將 42吋長腿壓在 June大脾, June都冇尷尬,個樣仲好受落!
拍攝期間,兩人互教對方講廣東話同台語,台仔仲把握機會問 Shiga拎電話號碼,搞到 Shiga笑到騎騎聲,之後 Shiga仲教咗 June講咗句地道廣東話(詳情大家要睇片!)。
再次見到 June, Shiga都忍唔住大讚,「佢好細心、體貼同溫柔,都幾好㗎!(理想男朋友係點?)要溫柔、細心同照顧屋企人,而高過我( Shiga 172cm)會加分,好似 June咁就最好。」嘩!講到出口喎!

Shiga同台仔 June再次合作拍 MV, Shiga一招胸壓就足以殺死台仔,兩個都好冧。


Shiga對住 June用國語溝通,仲因為發音唔準爆出多個笑話,兩個都笑到見牙唔見眼。


嘩!攬到咁實!不過 Shiga話上次拍 MV已經要 kiss,今次只係碎料。

穿白色吊帶嘅 Shiga,都見到少少「事業線」, June唔敢亂咁望。
咀出火
台灣模特兒 June(陳奕彰),身高 6呎,最緊要係同 Shiga啱 key,上次拍攝〈只要和你在一起〉已經要咀嘴,不過效果非常自然,所以今次唱片公司包足 June來港三日兩夜,拍 MV之餘, Shiga仲帶 June去食地道美食。仲有冇第三次呢?

上次〈只要和你在一起〉 MV, Shiga特登飛到台灣拍攝,第一次見面已經要同台仔 June又攬又鍚, June仲話第一次合作要親密啲,因為當時台灣比較凍喎!


採訪、撰文:娛樂組
攝影:鄭明川

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()