face.jpg

今年年初曾有雜誌影到二人撐枱腳,最近已甚少見兩人同場。《蘋果日報》圖片

Ads by Google

封面
23年情轉淡 閉門避朋友 倪震周慧敏分房瞓
愛情長路唔易跑,自 91年周慧敏和倪震相愛開始,分手傳聞傳出多次,雖然二人終在 09年結婚正式成為夫婦,可是 23年來的感情最近出現暗湧,加上有傳倪震近年多次在股壇有上有落,夫妻二人溝通日漸減少,據知二人曾出現分房瞓情況。
上週雖然老婆周慧敏在港,但二人甚少一齊出街,倪震被問到已與老婆分房瞓時只笑說:「邊有咁多間房?」家住過千呎跑馬地三房兩廳豪宅的他,唔通家中貓咪都要瞓房?

最近一次公開合照,係今年 7月二人出席古巨基的蛋糕店開幕,不過倪生個笑容有啲牽強!《蘋果日報》圖片

拍拖 23年,結婚 5年,周慧敏和倪震可說是同甘共苦,但最近有傳二人感情開始轉淡,加上倪震曾在股壇上損手,有時意見不合下,終令二人有分房瞓情況出現。
唔認炒燶股
週日( 26日)已經半百的倪震單拖現身接受本刊訪問,聽到在股票場上偶有輸錢即激動回應:「點會!邊個講?邊個講你問番邊個!(上次贏咗成千萬!)我無講過!你問番周顯!(你瘦咗好多!)我 5呎 9, 150磅,我覺得標準啦!(同老婆關係點呀?)當然好啦!(𠵱家分房瞓喎?)邊有咁多房呀?無呀,都係啲唔正確嘅傳聞嚟!」
據知倪震近年性格變得孤僻,但反而 46歲、 04年開始復出娛圈的周慧敏似乎越戰越勇,開過多次個唱,去年更參演九把刀的電影《等一個人咖啡》,除了拍戲花時間,之後港、台兩邊走的宣傳,周慧敏都幾乎個個到齊,上心程度可見一班。
「近年阿 V(周慧敏)同 Joe話題唔多,雖然係同住一間屋,但係 Joe一係掛住睇書,一係就炒股票,佢一玩股票就成個人都好緊張,冇見佢一排成個人瘦晒,又憔悴晒,以前成班朋友上佢哋屋企,佢梗會出嚟一齊傾偈,但𠵱家佢寧願自己鎖埋喺房,有時得番阿 V一個招呼朋友。」據二人身邊密友透露。

週日( 26日)倪震初時聽到話佢炒燶股即表現愕然。

搵伴歎茶
老公忙炒股,周慧敏惟有搵女性朋友出街 high tea解悶。《蘋果日報》圖片

男伴買衫
去年周慧敏被影到有一男子陪行街買衫,其實係佢形象指導,但重點都係倪震唔喺身邊。《蘋果日報》圖片

去年 6月倪震與周慧敏外出,當時尚未消瘦的倪震仍有包包面。

上週四( 23日)倪震單拖到灣仔行街買家品,只停留幾分鐘,擺明係買完即刻想返屋企,好「宅」啫!
傳炒冷門股賺千萬

周顯

去年金融專欄作家周顯於報章大爆倪震炒冷門股疑似賺過千萬,雖然當時有網友質疑其可信性,不過倪震炒股進取作風亦令人印象深刻,當時周顯說:「佢連續發咗 2、 30個短訊給我……我只係覺得倪震好好彩,我都覺得隻股票有問題,所以我唔會推介畀人。」
但對於有傳倪震最近於股場損手,周顯至週一( 27日)截稿前仍未回覆!
同屋異夢
倪震沉醉在股票天地,反而周慧敏不斷出席商演,到美國開巡迴演唱, 06年周慧敏個唱,倪震仍然會扮「周慧豹」(兩人養的愛貓)跟老婆同台,但 11年周慧敏再開個唱時,倪震只做觀眾。周慧敏熱愛睇演唱會,過往倪震都會陪伴在側一齊睇,如今周慧敏睇演唱會的 partner已換成古巨基。
其實二人畢竟共同生活多年,感情深厚,故二人仍共同生活。周慧敏近年頻頻蒲頭,商演亦越接越多,期間收過不少劇本,夫妻感情轉淡要搵工作填補,未嘗是壞事嘅。

今年周慧敏除了出席商演,另一重點戲係參演台灣電影《等一個人咖啡》,據知周慧敏多次喺台灣埋位拍戲,倪震一次班都冇探過。《蘋果日報》圖片

上週一( 20日)周慧敏最新亮相, 46歲的她依然明艷照人,防腐能力超高,難怪咁多廣告商搵佢代言。網上圖片

繼 11年在紅館開 25週年演唱會後,隨即展開美加巡迴演唱,唱至去年底仲唱緊!網上圖片

12年倪震於旺角開設第三間波樓,老婆周慧敏梗有捧場吸引記者啦!《蘋果日報》圖片
獨持新公司

今年 6月周慧敏自己一個開新公司,雖然係用嚟管理自家 job,但都冇預老公份。

自 04年復出,周慧敏逐步逐步踩番入娛圈,先後出唱片和兩次紅館開個唱,期間又參演過《得閒炒飯》和《等一個人咖啡》,商演次數更加多到數唔晒,終於今年 6月周慧敏以個人名義開設新公司「主意工作室有限公司」。
開新公司咁獨立,做乜唔預埋老公呀?
倪震 23年拖 6女
才子多情,呢句說話真係冇講錯, 89年倪震與周慧敏相識, 91年開始地下情,到 09年正式結婚至今 23年來,二人並非風平浪靜,大部分皆因倪震才子風流,難得阿 V多次原諒。
'91地下情

《忽然 1周》圖片

89年倪震周慧敏相識,有傳倪震當年為追周慧敏,努力於《 Yes!》雜誌寫臭情敵劉錫明。
'91藍潔瑛濕髮尾

《蘋果日報》圖片

91年周慧敏拍大台劇《大時代》,才子晚晚接送,但傳出與藍潔瑛撻着,二人更秘密失蹤幾小時,之後藍潔瑛於廣播道一單位離開時被發現髮尾微濕,周慧敏曾因此嬲到分手。
'88睇中李嘉欣

《蘋果日報》圖片

有傳倪震 88年擔任港姐評判時,睇中參選的李嘉欣,更主動致電佳人。
'94陳法蓉攝期

《壹週刊》圖片

94年再與周慧敏分手後,倪震即暗撻陳法蓉,其後 96年倪震與周慧敏復合,陳法蓉即遭狠飛。
'97情挑人妻

《壹週刊》圖片

99年爆出倪震曾以書信力追名媛姚樂碧,但姚堅稱二人沒有身體接觸,而情信曝光後,姚亦離婚收場。
'08經典開屏

網上圖片

08年倪震在酒吧跟張茆激吻,周慧敏嬲到要分手,但一週後卻又離奇結婚。
'09終於結婚


09年二人喺跑馬地寓所靜靜地結為夫妻, 5年來倪震都表現良好,冇再搞搞震。
家有 7貓
眾所周知周慧敏愛貓如命,而「周慧豹」就係周慧敏最愛錫嘅貓仔,曾經倪震就試過捉住阿豹遮住下體影相而被指有虐貓之嫌。 11年阿豹過身,周慧敏未有為家中增加新成員,現仍有 7隻不同品種的貓,當中豬皮和 B仔正是阿豹的親生仔。

阿豹《壹週刊》圖片

B仔、豬皮

布丁

花花

貓豬

Cardi

汀汀

採訪、撰文、攝影:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()