媽咪姐

北上撈得掂 王祖藍食住李亞男

Ads by Google

除咗吳啟華,呢期熱爆人物仲有王祖藍!大家一路揭《忽周》就知㗎喇。不過講嚟講去,媽咪姐同一班靚太 friend都係想八卦吓佢同拍拖都 5年嘅李亞男幾時結婚啫?

嗱,近排啲報道就話王祖藍一味拖婚期,難得女友又話無所謂喎。查實呢,媽咪姐就收到風,李亞男想嫁好耐,尤其佢已經 30歲,想快啲生小朋友。不過王生近年憑住扮嘢絕技,北上發展搵唔少,又未想咁快做老襯嘞喎。唉,亞男仲同啲姊妹講,上面咁多青春靚女又溫柔,好驚男朋友把持唔住,所以都唔敢逼婚,怕弄巧反拙。唉,媽咪姐都戥李亞男慘呀。

上星期,王祖藍同李亞男去新西蘭拍大台新節目《蜜月到訪》,攞正牌去拍拖兼做嘢,航空公司仲送埋情侶枕頭,又幾貼心喎!

呢個節目係由王祖藍呢一 pair做主持,帶情侶嘉賓方力申同鄧麗欣四圍玩。喺旅途中慶祝生日嘅 Stephy,仲投訴方生冇送禮。唉,一個二個都咁無心肝㗎。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()