Gucci

名人潮

何家喜歡藍

Ads by Google

何超瓊 全藍 total look
上周四( 16日),賭王何鴻燊二房何超瓊出席 Van Cleef& Arpels活動,一身 Gucci新裝,由頭藍到落腳,襯埋一 set。喺呢個敏感時期,超瓊避談政治,但佢呢一身裝扮,已表明政治立場。
梁安琪 暗藏玄機
賭王各房同樣活躍,上周六( 18日),四太梁安琪到鴨脷洲出席長者盆菜宴。她更反串男聲,即場上台同魯振順合唱粵曲助興,心情靚爆,而佢亦特登搵藍色衫點綴一下。

何超盈 怕講政治
四房亦不甘示弱。何超盈近年幫阿媽梁安琪打理酒店生意,明顯修心養性,連做訪問都叻埋。周一( 20日),她出動撐莎莎老闆娘郭羅桂珍的護膚品活動,仲 hard sell話新產品好用,「我自己都有用,覺得幾保濕囉!」不過提到佔中,超盈即時閃人,只答句︰「我冇政治立場。」咦!擺明將早前反佔中大遊行件事抹咗喎!

早前,超盈孖住林建岳女兒林心兒、 Moiselle太子爺陳柏熹等富二代,出席反佔中大遊行。

反佔中遊行當日,超盈仲同林心兒舉住香港菁英會橫額,兩個笑口噬噬,好積極。
陳婉珍 喱士新裝
三太陳婉珍自任東華主席之後,甚少出席公開活動。上周六( 18日),她獲特區政府頒授銅紫荊星章,賭王何鴻燊與何超雲亦有撐場。當日三太穿上藍色喱士裙,同特首夫人一樣咁搶。

Valentino

阿媽獲頒銅紫荊星章,何超蓮即時放上網騷 quali,係威喎!
梁唐青儀 人肉藍絲帶


上周六( 18日),特首梁振英夫人梁唐青儀,出席一年一度的授勳儀式。她以全藍連身裙示人,同特首的波點呔襯到絕。其實無論佢哋着咩,都知佢盲撐警。
葉梁美蘭 表示中立
佔中運動無阻社交圈活動。上周五( 17日),香港芭蕾舞團籌款晚會於中環舉行,晚會籌委主席葉梁美蘭出動藍色低胸晚裝,搶晒鏡。「今年香港芭蕾舞團 35周年,籌備咗半年,晚裝兩個月前已經買好。藍色、黃色都係香港本色,我係支持香港,最重要有傾有講,要理性。」她指佔中只令交通擠塞,對她影響不大。

Reem Acra

葉梁美蘭襯埋魔鏡造型 clutch bag,打開內裏有啤牌圖案。

撰文:名人組
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()