幾多歲嘅女,都係要𠱁嘅。(設計對白)

媽咪姐
吳啟華富爸爸好爸爸

Ads by Google

已屆 5張嘅吳啟華,近期回流大台拍劇,又密謀搞埋長居內地嘅老婆同乖女嚟香港定居同讀書。始終年紀唔細,想見多啲個女嘛!


但細 21年嘅嫩妻石洋子係長春人,習慣晒北方天氣同生活,突然間要佢離鄉別井,係難咗少少,所以都係向阿女熙兒埋手。成日同小朋友講香港有幾好玩,等佢𠱁阿媽落香港。
早幾日,媽咪姐就見到吳啟華帶埋囡囡入大台陪佢出席台慶亮燈儀式。節目未開始,兩父女喺 canteen食 tea,邊食邊傾,好鬼 sweet!啟華仲同《再戰明天》嘅 Man Sir一樣咁細心,三兩下手勢就將隻雞髀拆晒骨俾囡囡食,唔怪得熙兒次次見到爹哋都攬到實,咁冧啦!
而另一日,啟華去咗美麗華酒店做嘢,即刻變身型佬,揸住架成 200萬嘅白色 Audi跑車,側邊啲阿太𥄫到佢實一實,以為程至美醫生返咗嚟呀!咁嘅爸爸,去邊度搵吖。

冧爆起雞骨
出年升小一嘅熙兒,呢日唔使返學,即刻飛嚟香港陪爸爸開工見識見識,而啟華亦上演一幕「父慈女孝」,幫阿女隻雞髀起骨。睇阿女食到塊面就嚟掂到隻碟,幾滋味!

《再戰明天》入面嘅 Man Sir真係好 man又古板,現實中嘅吳啟華絕對係溫柔爹哋!一年帶囡囡熙兒去幾次旅行,次次去完都要影番張頭貼頭相,好唔捨得個女囉。

吳啟華上年經好友志偉拉攏,返去鬧小生荒嘅大台拍劇,長拍長有。依家播緊嘅《再戰明天》、《守護生命的故事》同午夜重播嘅《 On call 36小時 2》都有佢份。 Man Sir忍唔住喺微博話,呢個 10月係佢嘅。



吳啟華喺美麗華酒店門口,等緊代客泊車攞番部 Audi。成個造型真係鶴立雞群,唔少路人都勁𥄫。


啟華架 Audi R8 Spyder 4.2 Quattro跑車型到不得了, Iron man都揸過呢個型號嘅 08年款㗎。
嫩妻好貴氣


29歲嫩妻石洋子,祖籍長春,之前同北上發展嘅啟華長居北京。呢一年,佢就不時帶埋阿女嚟香港探拍緊劇嘅啟華。睇吓佢個 Hermès,過嘅梗係少奶奶生活啦!

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()