輕撫巨肚
有咗 4個月嘅 Gigi,肥咗 15磅現晒肚。之前個胎未夠 3個月時, Gigi都有擔心,成日同 B講:「加油,振作。」

娛樂喧
懷孕 4個半月 暴肥 15磅 梁詠琪人瘦肚巨揀 B牀

Ads by Google

一直恨生仔的梁詠琪,三年前同西班牙籍男友 Sergio婚後不設防,今年終於成功造人。已懷孕四個多月的 Gigi,目前專心養胎,胃口大增,一餐隊兩碗魚蛋粉,令體重飆升 15磅。 4個多月肚已經大如筲箕,昔曰 25吋纖腰暴脹 7吋。
周日( 19日), Gigi偕老公到中環睇 BB用品,兩人專攻 BB牀同 high chair。 Gigi尤其對一張紫色 high chair愛不釋手,不禁令人聯想她佗女。 Gigi大賣關子:「仔女遲啲至公布……我想自然分娩,好命嘅咪快快趣自然咁樣囉。」

38歲的梁詠琪,懷孕以來專心養胎,只會接簡單輕鬆工作。雖然明年二、三月至生 B,不過「緊張大師」的 Gigi,每日除咗同 BB傾偈、唱歌外,仲會上網搜尋育嬰資料,做足功課。
周日( 19日), Gigi偕老公到中環太子大廈睇 BB用品。下午 1時,他們先到 3樓睇牀及 high chair,其間她與老公有商有量,十分恩愛。之後他們睇 BB車, Gigi更即場試推了五分鐘,最後兩人轉攻 BB牀。
Gigi對一張附有蚊帳的 BB牀非常感興趣,並問店員攞 catalog。店員力 sale他們買一個千二蚊的搖籃:「呢張可以放喺你哋間房,方便你哋睇 BB。」 Gigi追問:「可以瞓幾耐呀?」店員就話:「 0至 6個月都啱。」
兩人濕平時, Sergio全程扶實老婆,肚凸凸的高妹 Gigi,可能因為不慣重心下移,試過兩次失平衡險些跌低,好彩老公眼明手快扶實老婆。

最近 Gigi收到偶像林憶蓮送嘅一 set灰白色嬰兒套裝, Gigi萬分驚喜,仲話「淺灰色」男女都適合,真貼心!粉絲表示喜歡喜歡好喜歡!

Gigi同 Sergio結婚三年,仍非常恩愛,今年 5月他們到美國放假叉電,仲成功造人。
想自然分娩
記者上前訪問 Gigi懷孕心情,她透露想自然分娩,又話同老公揀 BB牀有分歧。

記:揀定 BB牀未呀?
梁:睇定先!因為牀日日瞓,依家又話有啲牀可以瞓到 6、 7歲,咁咪揀清楚啲。我老公好緊張啲牀褥,我就緊張靚唔靚。

記:頭先見你睇中張紫色嘅 high chair,紫色係咪襯番你生女呀?
梁:我都睇咗幾張,上網 search過好多,不過呢個(紫色)未見過。男仔定女仔遲啲先講,我諗住佗穩啲先,但知道係一個 BB。

記:係咪自然分娩?
梁:我想自然,想啫!好命嘅咪快快趣自然咁樣囉。

記:見你肥肚唔肥手腳喎?
梁:重咗 7公斤( 15.4磅),算多,依家 4個幾月,所以開始食番少啲嘢。我食多咗好多嘢,之前 photo shooting下午食咗兩碗魚蛋粉。我生完先減,會做好多運動,地獄式去減。

見 Gigi答到咁上下, Sergio即用廣東話為老婆解圍:「唔該晒、唔該晒!」說罷便拖實 Gigi離去,呢個老公真係細心又識做。

Gigi看中的 high chair牌子 NUNA,曾獲德國最佳產品設計及最受媽媽信賴等獎項,而旗下呢張設計時尚,並可依 BB個人化調整,仲有咕𠱸坐墊等零件可拆除清洗,售價近三千。

32吋粗腰
Gigi話老公着重 BB牀嘅牀褥,佢就着重靚唔靚。揀 BB牀時,不經意露出穩健下盤。

過萬靚牀
Gigi睇中呢張價值萬二蚊嘅 Stokke BB牀,出自挪威,風行歐洲,牀以橢圓形設計,似足鳥巢咁柔軟安全,仲可以隨住 BB長大而變身為大型睡牀、圍欄甚至小梳化。

兩度險仆
由於當日 Gigi有兩次險些仆倒, Sergio十分小心,上落都扶實老婆。

睇牀護肚
Gigi睇呢張 high chair時,竟然𠌥低身睇,好彩佢都識用手托住,而老公 Sergio即下意識用手貼住老婆腰間。

拖狗散步
愛狗一族嘅 Gigi,唔會好似陳茵媺為咗 BB而放棄寵物。身懷六甲的她,月初被本刊發現同老公一齊帶 Luna散步,當時她仍未見巨肚。

採訪、攝影:黃順明、梁志明、高嘉穎 
撰文:林碧洋 
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()