fuck.jpg

大灑金錢冧女
上月 20日,上海仔在澳門為 Coffee舉行了一個神秘生日會,現場除了生日蛋糕加貴價香檳 Dom perignon外,還有 live band,冧到 Coffee笑到見牙唔見眼。

打頭陣
與上海仔每周 gathering  Coffee做馬主等收車

Ads by Google

Coffee林芊妤四個月前經歷「殘廁 gathering」一役,雖然被大台炒魷,但人氣一時無兩,為生活她轉行教瑜伽兼狂接登台騷,殺出一條血路。最近她更泊到個猛料碼頭,與江湖人物「上海仔」郭永鴻扯上關係。上海仔出手闊綽, 9月以 6位數字在澳門為 Coffee大搞生日會,日前再被踢爆 9月初花數百萬令 Coffee榮升馬主, Coffee身價簡直三級跳。
據知有財有勢的上海仔每星期都安排 Coffee搭直升機過澳門約會,又承諾女方一考到車牌就任她揀選心愛跑車。
而 Coffee在本周二亦火速考筆試,為做名車車主行出第一步。為把 Coffee追到手,上海仔不惜以本冧人,睇嚟 Coffee好大機會做「上海嫂」。

Coffee自從離開只有 4,000蚊月薪的大台後,每月收入十級跳,近月她不是到國內登台剪綵代言,就是到澳門出席活動,閒閒哋收幾萬人仔一個 job。人脈得以擴闊,就連身邊朋友亦非富則貴。數月前她透過一女性朋友認識年過五十的「上海仔」郭永鴻,從而展開了人生另一頁。
上海仔是江湖猛人,但他亦有柔情一面。上月 20日,他為 Coffee搞了個 25歲生日會。當晚上海仔脫去招牌墨鏡,身穿白色中山裝,以白馬王子 look現身,還含情脈脈看着 Coffee許願及切蛋糕,明眼人一看就知道上海仔對 Coffee非常有意思。

又驚又喜
生日會後,即時傳出 Coffee泊到上海仔這個大碼頭,但她卻表示:「生日會後冇再見面,依家想專心工作,唔會諗拍拖住!」真心定假話先?

升格做馬主
日前爆出 Coffee榮升馬主,更成為澳門賽馬會會員,有晒登記資料顯示她都否認。報道出街翌日,該匹馬的馬主登記一欄離奇變成 TBA(有待宣布)。

當 Coffee係阿嫂
「幾個月前有朋友見 Coffee俾大台炒魷,擔心佢生計受影響,所以介紹咗上海仔俾佢認識,希望靠對方喺娛樂圈嘅人面,介紹 Coffee去拍戲或者拍廣告。點知最後係想搵佢做女朋友啫!開生日會係上海仔專登搵人製造嘅意外驚喜,冇諗過會有傳媒報道。 Coffee身邊密友透露:「 Coffee本來覺得有猛人撐腰都好嘅,但佢好驚俾人知道佢哋關係,又驚俾人影到,都好矛盾。不過上海仔都好保護佢,每星期都安排佢搭私人直升機過澳門食飯見面,每次都安排好酒店住宿,有次仲包咗間 6星級餐廳 VIP房,法國主廚一邊炮製食物,佢哋一邊嘆燭光晚餐。有人見過上海仔帶埋 Coffee去佢打骰嗰間東方銀星賭廳,之後仲入埋馬場㖭。不過每次都有保鑣傍實,唔俾閒雜人埋身,上海仔身邊班兄弟都已經當佢係阿嫂㗎喇!」
本周一( 20日), Coffee被揭搖身一變成為澳門一匹來自新西蘭的新馬馬主,還有消息指馬匹命名為「上海咖啡」,巧合地與上海仔已退役的馬匹「上海神駒」名字相似。對於榮升馬主, Coffee日前承認曾被友人邀請填寫一份表格,但她不清楚是否賽馬會入會表格。「其實送馬同澳門賽馬會會席都係上海仔送俾 Coffee嘅神秘生日禮物,諗住俾佢一個驚喜,冇諗過會有傳媒揭到出嚟。不過報道一出, Coffee即刻婉拒咗,一嚟唔想俾人覺得佢同江湖中人關係咁密切,二嚟你估養一匹馬唔使錢咩? Coffee都心知自己養唔掂啦!」知情者說。
本刊記者更發現 Coffee在被踢爆成為馬主後的翌日黃昏,澳門賽馬會網頁離奇更改該馬匹的馬主登記,變成 TBA( To be announced),似乎有人刻意與上海仔劃清界線。

考牌揸名車
上海仔送完馬又打算送跑車, Coffee最近忙於學車考車牌,據知她鍾情林寶堅尼或法拉利,不過新牌仔揸咁大馬力嘅跑車,會唔會有難度呢?

繼續開工
成為馬主後, Coffee照樣不停四出開工。周二( 21日)她在微博上載一張最新圖片,見她拖着一個紅色喼聲稱工作了一天,暴曬了幾小時,還說:「女漢子是這樣練成的!」

碼頭獨照
上周 Coffee在微博放了一張疑似在澳門碼頭的獨照,當時她坐在碼頭邊甜絲絲望向鏡頭,好明顯係一個冧樣。
跑車任揀
為博 Coffee一笑,上海仔非常大手筆,除送馬之外,亦打算名車贈佳人。知情者說:「嚟緊 Coffee會考車牌,雖然未知考唔考到,但上海仔已經話會送架跑車俾佢,仲話任 Coffee揀。之前 Coffee喺澳門話過揸法拉利同林寶堅尼好型,上海仔叫佢諗定揀邊㗎喎。」
Coffee早前就搭上上海仔時表示:「佢係我朋友嘅朋友,唔理人哋係咩職業或背景,感覺唔到佢追我。我生日前都見過佢,我同佢識咗兩個幾月!」不過近日 Coffee似乎有所迴避,本刊記者曾多次致電她,她表示對任何提問都不會再回應。

高薪教瑜伽
身為專業瑜伽導師的 Coffee,主力以一對一教學,每小時收費千元,一星期教五日共 10堂,每月平均已有 4萬蚊的穩定收入。

樸素搬屋
Coffee在 7月搬屋時,本刊記者發現她出入都以地鐵代步,衣着亦十分樸素,手上仍是一個藍白色橫間布袋。事隔兩個月,她去澳門搭私人直升機,又榮升馬主,今非昔比。

富二代即閃
6月中與 Coffee在 ifc殘廁「 gathering」而搞出個大頭佛的林知譽,是上市公司 CEO,身家近 9億。報道一出,林知譽即與 Coffee斷絕來往。
鍾意娛圈姐仔
其實上海仔溝女星早有前科, 03年他投資開娛樂公司 Joy Star Artiste Management Limited,簽了有翻版徐子淇之稱的女模傅嘉莉( Kelly)。不久二人傳出緋聞,及後女方矢口否認,表示二人只是老闆與下屬的關係。到 04年,上海仔為捧女神 JJ賈曉晨,特意簽她成為旗下藝人,之後不時帶她認識不少圈中人,藉此擴闊其生活圈子,事後 JJ更不避嫌直指:「佢係我恩人!」
至 2012年,上海仔捲入梁振英陣營「拉票飯局」後,遭踢爆與中港猛人熟絡外,與圈中人關係亦千絲萬縷。梅小惠更是跟他一起長大的鄰居,有傳二人曾拍拖。上海仔矢口否認之餘,並自爆:「我最鍾意徐子珊,不過徐子珊唔鍾意我!」據知上海仔確實對徐子珊情有獨鍾,曾多番透過中間人穿針引線,希望認識她,奈何女方不為所動,只公開表示感激上海仔賞識自己。食完徐子珊檸檬,上海仔轉飲「咖啡」,果然屢敗屢戰。

方中信抄足冬菇頭
年過五十多歲的上海仔,多年來都以冬菇頭加中山裝見人,據知其髮型是模仿 Beatles披頭四的造型。就連電影《竊聽風雲 3》,方中信演繹土豪的角色,都是參考上海仔的 icon。

上海品味


2012年 最冧徐子珊
難得上海仔自爆「最鍾意徐子珊」,不過神女冇心,徐子珊回應時強調自己只愛鬼仔,所以不接受上海仔追求,擺明劃清界線。
2004年 捧紅 JJ
當年只有 20歲卜卜脆的 JJ賈曉晨,加盟上海仔與友人合資開設的娛樂公司「 Joy Star」,在香港發展。之後還介紹 JJ給阿叻認識,繼而轉投阿叻公司。 JJ曾當眾表示:「係郭生帶我入行,佢對我真係好好,係我恩人。」



2003年 簽長腿傅嘉莉
Kelly傅嘉莉當年成為上海仔娛樂公司旗下藝人,曾大讚老闆友善及大手筆,有傳二人拍過拖,關係非比尋常。
猛料上海仔
綽號「上海仔」的郭永鴻,年輕時以炒賣黃牛戲票及馬場的「馬牌」為生, 90年代起轉營盜版 VCD生意賺得第一桶金,又於澳門開設賭廳。 2000年起他以商人身份於中國內地投資,與娛圈中人屢有交往,梅小惠及黃柏高均屬其好友。郭於 03年投資娛樂公司,當年旗下藝人有陳山聰、唐寧及賈曉晨等。
郭又曾自爆早在 1970年代協助地產商在新界收地,與一班新界鄉紳甚有交情。 2012年香港行政長官競選時,他被拍到陪同新界鄉紳與當時的梁營要員於流浮山小桃園酒家一同出席的飯局,惹來「黑金政治」的嫌疑。

上海仔近年活躍於澳門賭場,不時見他巡視業務。《蘋果日報》圖片

兩年前上海仔喪母, Paco亦在喪禮上出現。

上海仔近年捲入政治鬥爭中,與不少鄉議局委員及人大常委稔熟。《蘋果日報》圖片
咖啡春情
Coffee與上海仔撻着,原來有跡可尋,最近她接受訪問時春風滿面,又自爆有人追。近兩個月她多次於微博晒收花相,但又冇指明誰是送花者。日前更上載一張瑜伽照,寫上「另一個我,你喜歡嗎?」疑似與新歡對話。好明顯, Coffee正在蜜運中。

不停收花
Coffee是 9月壽星,幾乎每日都有生日飯局外,還收到很多鮮花,大大紮玫瑰花相信都係上海仔所送。

不乏追求者
經過殘廁 gathering後, Coffee人氣加異性緣比從前更旺盛,不時收到神秘人送的花與禮物,收花收到手軟。

玲瓏浮凸
Coffee拎着最新智能手機玩自拍,谷胸縮肚索到爆鏡,仲問對方鍾唔鍾意佢,好挑逗喎!
阿嫂級女星
娛圈女星與江湖人物拍拖已不算新鮮事,不少更成為公開的秘密。


陳妙瑛男友灣仔之虎
陳妙瑛 93年出道時與綽號「灣仔之虎」的陳耀興拍拖,同年陳在澳門參加賽車後被槍手伏擊身亡。翌年電影公司開拍以陳耀興為題材的電影《醉生夢死之灣仔之虎》,亦由陳妙瑛做女主角。


張玉珊情傾向華勝
現時身為上市公司主席的張玉珊, 1998年被拍到由向華強之弟向華勝送回家,戀情正式曝光。其後她淡出娛圈, 2000年起在男友撐腰下創辦纖體美容公司,二人於 06年分手。
Mandy Lieu搭上周焯華
今年 8月, Mandy Lieu被拍到與綽號「洗米華」的太陽娛樂老闆周焯華雙雙返回男方寓所。其後 Mandy Lieu承認與對方發展中,其後又陪對方到紐約公幹。


撰文:娛樂組 
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()