搽爽身粉扮塵,之後跳起向後撻低扮暈,合埋眼嘅麥包,可以乘機閉目養神。

同你吟一吟
連開兩劇 麥長青跳樓瞓着

Ads by Google

大台逃亡潮一觸即發,林峯蒙嘉慧謝天華楊思琦高鈞賢,就連班二打六都唔願留低,人丁單薄,效忠無綫多年嘅麥包麥長青,忽然變成搶手貨,時裝劇《樓奴》都未拍完,又要為賀歲古裝劇《倩女失魂》開工。


早個禮拜麥包去到土瓜灣一幢舊樓,拍《樓奴》外景。 CCTVB例牌套餐劇情,有 A餐:大團圓燒嘢食, B餐:煮個麵你食,今次係拍 C餐:打交打到跌落樓但又唔死得。
呢日劇情講麥包因為上前阻止人打交,卒之同襲擊兇徒雙雙墮樓。話晒有四層樓高,當然唔可以是是但但,十幾個工作人員不斷試位做足準備。有替身幫手,連踩兩劇嘅麥包,可以坐埋一邊篤手機休息吓。直到替身跳完樓,麥包搽番幾滴血响額頭,再大字形瞓番喺墮樓位置,合埋眼扮暈低,但睇佢個樣,似攰到瞓着囉!

打交打到跌落樓,麥包鏡頭前七情上面。

四層樓咁高,當然有替身代勞,不過替身個樣同身形都唔似麥包,反而似吳卓羲。

坐埋一邊休息,麥包全程篤手機睇相。

有薛家燕、蕭正楠、湯盈盈嘅賀歲古裝劇《倩女失魂》已經開緊工,麥包(左)連踩兩劇,想抖都難!

撰文:八珍

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()