冇面見人嘅唐詩詠,頂帽戴到遮埋對眼,去到生果店,索性叫老闆幫佢揀幾隻梨,望都費事望。

同你吟一吟
唐詩詠有眼無珠

Ads by Google

最近盛傳同洪永城拍劇撻着嘅唐詩詠,面對新緋聞,佢冇承認,又冇否認,反而自爆兩個成日講電話,但內容多數係互相鼓勵喎,因為大家最近都不約而同地孭重飛响《張保仔》以及《當鐵馬遇上戰車》擔正做男、女主角。


八珍唔知「洪唐戀」堅定流,但早排就見到唐詩詠一條人去九龍城買餸,見佢上糧分量唔算多,夠佢食,都未必餵得飽洪永城。
九龍城街市餸菜出名夠新鮮,但冇化妝出街嘅唐詩詠,因為驚俾人發現,全程拉低頂帽遮眼,根本冇睇清睇楚買完即閃。
揀棵菜,可以是是但但,但揀男人唔同,崔建邦有辦你睇,唐詩詠對洪永城,都係落足眼力好。

唐詩詠冇玩手提電話,但上電梯時,居然變咗「低頭族」。

急急腳買完餸就走,呢個時候,終於見到佢對眼。

撰文:八珍
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()